مشكلة Always on display مش عارف سببها ..

[Artist8]

إمبارح ، قررت أنى أعمل إعادة ضبط المصنع، مفيش سبب أنى أعمل كده غير أنى من ساعة ما نزلت أندرويد ١١ ، و معملتش إعادة ضبط المصنع، وبحكم إنه تحديث كبير ، و جالى بعدها تحديثين أو ثلاثة، منهم تحديث الواجهة و إلى كان كبير برده ، فقررت أنى أعمل كده من باب " تنضيف " الجهاز..

المهم بعد ما خلصت " تظبيط " إلى فاكره من الإعدادات ... سيبت التليفون شغال و خرجت من الأودة ، رجعت للتليفون عشان أتفاجئ بأن شاشته بتنور و بتطفى ورا بعض لوحدها ، تحديدا على Always on display مع حاله من غير ماجى جنبه .. و لما مسكته طلعلي رسالة أن الشاشة محمية من اللمس العرض... رمز القفل يعنى .. كأنى مسكته و هو فى جيبى .. أكيد أنتم فاهمين قصدى ...

طبعا لسه منزلتش أى تطبيقات على الجهاز عشان حد يقول ده virus ...

المهم قلت يمكن بيخرف ولا حاجة .. 

بعدها وصلته فى الشاحن ، عشان الاقيه بيعمل كده تانى ، و بحكم إن الأودة كانت ضلمة ، لاقيت السينسور إلى جنب الكاميرا بينور و بيطفى هو كمان .. 

المهم بشوية محاولات عرفت إن إلى عامل ده " إظهار رمز البصمة على Always on display " ، و إن الإختيار الوحيد إلى بيعالج الموضوع ده ، هو إنى أختار " أبدا " من الإختيارات التلاتة ( دائما / الإظهار عند النقر / أبدا ) 

 و بحكم أنى أصلا كنت مختار أبدا من أول ما أشتريت الجهاز ( كان شغال طبيعى الأول ) ، فمش عارف هل المشكلة دى ظهرت من أول أندرويد ١١ ولا من تحديث من التحديثات إلى جت بعد كده ، و مش عارف هل سامسونج ناوية تعالج المشكلة دى ولا هطنش، زى ما طنشت فى مشكلة software فى جهازى القديم ..

أنا عن نفسى مش فارق معايا الموضوع ده تحديدا ، لكن لو مأخدوش رد فعل فيه ، فعادى أنهم ميخدوش رد فعل فى مشاكل أهم من كده ..

فى النهاية هى مشكلة تأثر على إستخدام صاحب الجهاز بشكل سلبى .. حتى لو مش بتستخدمها، يكفى أنك تبقى عارف أن تليفونك فيه مشكلة و ملهاش حل ...

[Anonymous]

في الغالب اه مش هيفرق

[Anonymous]

وفي تحربة كمان
من كلامك كنت بتقول الغرفة ضلمه
اقفل وضع الاضاءة التلقائى وجرب

[Artist8]

هجرب و أقولك 🙂

[Anonymous]

Ok

[Artist8]

موصلتش لحاجة ...

[iPro]

انا معايا s10
ومحصلش معايا حاجة زي كدة،
بس غريبة المشكلة دي انها تحصل بعد ضبط المصنع،
جرب تعمل wipe cache partition
وبعدها repair app
من ال Recovery mode
وممكن تظبط معاك،
انا اعتقد ان حصل خطأ اثناء مرحلة ال optimizing apps
بعد ضبط المصنع

[Artist8]

وارد
هو أنا قبل كده على جهاز قديم ( Galaxy A5 ) ، بعد إعادة ضبط المصنع كان فعلا فيه حاجة غلط ( مش فاكره أيه للأسف ) ، فعملت إعادة ضبط المصنع تانى أتظبط وقتها ...
هجرب و أشوف ... شكرا
بس سؤال أيه Recovery mode ؟
هب تقصد القائمة إلى بندخل عليها بمفتاح ال Power و خفض الصون مع بعض ؟

[iPro]

اه بظبط بس زرار ال power
مع زرار رفع الصوت
مش الخفض

مع العلم ان من اول اندرويد ١١
لازم تكون موصل الموبايل بالكمبيوتر بال USB
عشان يدخل ال Recovery mode

[Artist8]

تمام

[Anonymous]

وممكن كمان لو وصلته بتليفون تاني