مشكلة في كاميرا S22ultra

[Abdulrahman999]

السلام عليكم ورحمة الله وبركاته 

رجاء عندي مشكلة إلى هي إذا جيت فتحت الكاميرا وقربت أذني من العدسة أسمع صوت زي الطق 

هو معروف إذا هزيت الجوال يطلع صوت من العدسة عشان المثبت هذا أمر طبيعي لاكن أنا أقصد إذا فتحت الكاميرا تطلع صوت لما جيت شفت العدسة الرئيسية إلى لاحظته إنه العدسة تكون وجهها لي أسفل إذا الكاميرا طافية إذا فتح الكاميرا تصير العدسة في النص وتطلع الصوت إلى يشبه الطق أحد يعرف حل ؟

تكفون أقسم بالله الجهاز ماكمل معي سنة وانا محافظ عليه لأبعد الحدود ولامره طاح علي ولله الحمد 

[MxMs22ultra]

اذا كان التصوير طبيعي والكامير تعمل بشكل جيد لاتشيل هم الصوت واذا مو مرتاح روح لمركز الصيانه يشوفون وش المشكله مادام الجهاز تحت الضمان

[SalehHm]

هذا مانع الاهتزاز طبيعي نفس عدسات الكاميرا تتحرك يمين ويسار عشان لو صورت فيديو وشغلت المثبت ما يكون فيه اهتزاز

[Abdulrahman999]

عارف إنه طبيعي إذا هزيت الجوال يطلع هذا الصوت
لاكن إذا شغلت الكاميرا يطلع الصوت ؟

[SalehHm]

لا

[Abdulrahman999]

هذا هو ابي اعرف ليش

[SalehHm]

والله ما ادري لكن شوف اذا مغير اعدادات الفوكس او صارت لك هالمشكله بعد التحديث ؟ او فجأه ؟ وجرب تمسح اعدادات الكاميرا ومسح البيانات

[ZAC777]

طبيعي حتى عند فتح الكاميرا او تغير الوضع مثلا من والى بوترية

[Samsung_KSA1]

عزيزنا العميل عبدالرحمن بخصوص استفسارك عن تحرك الكيمرا  اثناء فتحها للتصوير.

 وهذا امر طبيعي في اجهرة S22 Ultra ولا توجد اي مشكلة فيها, وفي حال واجهت اي مشكلة بالكيمرا او تريد الفحص على الجوال من قبل احد الفنيين بامكانك التوجه لاقرب مركز صيانة ليتم الكشف على الجوال.

بامكانك معرفة اقرب مركز لديك من خلال هذا الرابط.

البحث عن مركز دعم سامسونج | سامسونج السعودية (samsung.com)

[nq3z]

معي نفس جهازك الوضع جدآ طبيعي وأصلا يمكن ما تلاحظع الا في بعض البرامج فا لاتوسوس أتوقع عشان الزوم فقط لا أكثر أو انفتاح العدسة