مشكلة شاحن سامسونق

[neko01]

اذا بشحن جوالي بشاحن الجديد الوصله الي جايه مع الجوال و الراس الي شاريه بعد ثلاث شهور استخدام طبيعي يشحن بكل السواحن ما عدا شواحن سامسونق 

حرفيا ما يشحن و انا حيل متنرفز جالس اشحنه بشاحن عادي مو حق سامسونق بليز ابي حل 

المشكله ذي من امس 

[AboNasser]

جميع أسلاك شواحن سامسونج جودتها ضعيفه ومضروبه وفعلاً كم شهر وتخرب
سببت لي الكثير من المشاكل وكنت أعتقد بأن الخلل من الجوال او راس الشاحن

الأفضل استخدام اسلاك شواحن ذات جودة عالية مثل يوجرين أنكر امازون بيسك وغيرها الكثير

[Abdullah_445]

انا جاني مع الجهاز السلك ذا وجودته مش ولابد فيه وضعيات ما يشحن فيها لازم تحفظ وضعية معينة وتصير تتأكد انك تشحن فيها بكل مره ولا بيصير يقطع

[AboNasser]

انا اقصد الأسلاك اللي تجي مع الجهاز في الكرتون أربع أجهزة وكلها نفس الشي جودتها جدا ضعيفه ومثل مايقول اخ عبدالله لازم تثبت الجهاز على وضعيه معينه وبعد فتره يصير كل شوي يفصل الشحن ويشبك لوحده

[KhalidAA]

شواحن سامسونج الاصلية ممتازة وانا استخدمها من سنين ال 45 و 25 وات .
شواحن سامسونج لاتشتري الا من موقع الشركة نفسها او جرير .. الموجود في السوق الاكثر غير اصلي لذلك اكثر الناس تسب فيها وتخرب عليهم

[AboNasser]

رأس الشاحن أتفق معك جودتها عاليه وتكرف سنين بجميع انواعها 45 و 25 و 15 لله الحمد ماواجهت منها اي مشاكل

[KhalidAA]

الشواحن الاصلية لسامسونج الراس مع السلك ال 45 وات مايقل سعرة عن 109 في موقع الشركة لكن حاليا غير موجود لكن نزل نوع جديد موديل 24 بقيمة 220 ريال . شوف الفرق في السعر بينه وبين الموجود في السوق او في نون او امازون تحصلها على 30 ريال ويمكن اقل وتعرف انها تقليد

[أبوفارس1]

حساب كاريزماتي4 جزمتي
مسروق من كاريزماتي5
ضعيف الشخصية
يدافع عن حسابه أحمد العاني بالسب والقذف في الأعراض وتكرار المنشورات بدون ذكر مصدر
وتكرار الردود
حذاري منه

[أبوفارس1]

من سوابق كاريزماتي لفل4 جزمتي

[neko01]

مدري الي بالكومنت تقدرون تشوفون كومنتي ولا لا
الله يسلمكم الجوال ضبط وديته الصيانه قال غيرنا قاعدة الشحن و الحمدلله غطها التأمين
أنا اول شي رحت جرير و الله يهديهم سدوها بوجهي قالو ما يشحن هاه يعني دخل فيه ماي قلتله الجو كان رطب جدا انا بمنطقة الشرقية فا الرطوبة مليون قال ايييي اسمع هذا العطل ما يغطيه الضمان لان يعتبر أنت الي خربته قلتله ول طيب بكم قال ١٠٠ ريال نفحصه و نرسلك سعر التصليح قلتله طيب بكم؟! قال ما ندري و إذا رفضت التصليح نعطيك الجوال و ناخذ ١٠٠ ريال قلت اوكي دز ما تشمون ريال
دقيت على سامسونق قالو فيه فرع صيانه موثوق من سامسونق اسمه FMP الله يعطيهم العالفيه وديته أمس قالو الله يسلمك جوال ما يشحن ٢٥ او ٤٥ واط بس ١٥ فا قاعدة الشحن فيها مشكله بناخذه منك الحين و خلال ١٠ ايام عمل بدون جمعه و سبت راح نكلمك حرفيا كلموني من بكرا و قالو جوالك جاهز ما رسلو ولا راطب دفع ولا شي قلت تمام رحتلهم و الحمدلله غطاها التأمين 🔥 و أنا مستانس الحين و شكرا
الله وياكم نشوفكم اذا جتلي مشكله
باي