Original topic:

مشكلة جديدة

(Topic created on: 05-02-2021 12:06 PM)
285 Views
Artist8
Active Level 10
Options
جالاكسى S

مشكلة جديدة إكتشفتها ..
لما ظبطت الإشعارات على وضع الفقاعة ، رسايل الشات بتيجى بالطريقة العادية مش وضع الفقاعة .. لما عدلت إعداد الإشعارات من وضع الفقاعة للإشعار الوجيز الذكى، أشتغل ، لكن لما رجعته تانى لوضع الفقاعة مشتغلش..
عملت restart للجهاز و دخلت فعلت الخاصية من جديد أشتغلت بشكل طبيعى ، لكن لما دخلت ألغيها تانى ، و عملت restart تانى للجهاز ، لقيتها شغالة عادى 😐 .. قلت يمكن ملغيتهاش، فدخلت على الإعدادات أتأكد لقيتها مقفولة فعلا ، بعدها لما جالى إشعار جالى طبيعى و أن أنا لغيها فعلا... سبحان الله
حاجة تانية ، شحن الموبايل لغاية 100 % و إستخدمته شوية سمعت به مزيكا لمدة نص ساعة ، و عملت مكالمة لمدة ١٠ دقايق ، و إذ أفاجأ أن البطارية ١٠٠ % زى ما هى .... ما شاء الله..
دخلت على إستهلاك البطارية، عشان ألاقيه صفر ، على الرغم إنه كاتب التطبيقات إلى إستهلكت من البطارية و نسبة إستهلاك كل تطبيق ، عملت للجهاز restart عشان أدخل ألاقيه كاتب أن مفيش أى حاجة إستهلكت بطارية عندى خالص !!!
ضيف على كده مثلا إن ملاحظ " يمكن " من أول ما نزل تحديث أندرويد ١١ ، أن لما باجي أطفى الشاشة، بيحصل زيادة مفاجئة فى " زهاء " ألوان الشاشة لجزء من الثانية قبل ما تطفى مباشرة ....
و أحيانا بتحصل لما بلغى قفل الجهاز ...
و أدينى لسه بكتشف bugs و من الواضح إن فيه منها إلى عدى عليه تحديثين و تلاتة ، و متعالجش!!!
المفروض الواحد يشترى جهاز بكم عشان يضمن أن سامسونج تقدم له دعم حقيقى ..
بدأت أحس " للأسف " بالندم أنى فضلت الجهاز ده على iphone XR ...
أحد المعارف كان معه iPhone 11و جاله تحديث ظهر عنده مشكلة فى ال Software فى خلال فترة قصيرة جدا ، كانت apple لحقته بتحديث تانى يعالج ال bugs الموجودة فى التحديث إلى قبله ...
نفسى سامسونج تعمل كده ...
لو حد عنده مشكلة أو ملاحظ حاجة غريبة فى الجهاز بتاعه بعد التحديث يريت يكتبها و يقول لنا تجربته






8 Comments
MASsoliman
Active Level 2
جالاكسى S
جهازك ايه؟
0 Likes
Artist8
Active Level 10
جالاكسى S
S10 lite
0 Likes
جالاكسى S
الفقاعات مدعومة للمسنجر والتليجرام وبرنامج الرسائل فقط
عشان تظهر الاشعارات على هيئة فقاعة خش على اعدادات الاشعارات لكل برنامج فيهم هتلاقي حاجة اسمها اظهار كفقاعة اعملها جميع

Screenshot_20210502-131414_Settings.png

Artist8
Active Level 10
جالاكسى S
أنا عارف إلى أنت بتقوله ، راجع المنشور و أنت هتفهم قصدى 🙂
أنا فعلتها مشتغلت إلا بعد restart ، و لما لغيتها برده متلغتش إلا بعد restart
0 Likes
جالاكسى S
ممكن يكون خطأ في النظام هو عامةً اندرويد ١١ كله مشاكل ونظام الفقاعات ده لسة مش ثابت لحد النهاردة وبيعمل مشاكل لو استخدمته في الوضع الافقي
0 Likes
Artist8
Active Level 10
جالاكسى S
أنا مش فارق معايا موضوع الفقاعات أصلا ... بس أنا لاحظت مشكلة موجودة، ده إلى يفرق معايا و مش مشكلة واحدة ... ال software فيه bugs و مش بتتعالج ، دى يمكن بتزيد ... على الرغم من أنى مبسوط بأندرويد ١١ ، لكن أنا فعلا كنت حابب الجهاز أول ما أشتريته أكتر Android 10 one UI 2
0 Likes
جالاكسى S
ممكن مثلا لما تعمل مسح الكاش المشاكل بتاعت البطارية دي تتحل عشان انا معايا نفس الموبايل ومقابلتش اي مشاكل مع البطارية
0 Likes
Artist8
Active Level 10
جالاكسى S
أنا عامل إعادة ضبط المصنع مرتين !!!
هى عموما المشكلة مش فى البطارية ، المشكلة فى النظام
0 Likes