مشكلة إعادة التشغيل

[GergesGwaid]

هاتفي جديد Samsung Galaxy S25 FE;

يقوم بعمل إعادة تشغيل دون أي سبب بتوقيت عشوائي، مع العلم ال auto restart غير مفعل.

بالإضافة إلى إن هذا الجهاز، الجهاز الثاني من samsung به ذات المشكلة، الأول samsung A36 وقمت بارجاعه لآمازون حيث اشتريته، خوفا أن يكون عيب بوردة.

ولكن وجدت المشكلة متكررة، أريد مساعدتكم إذا مررتم بهذه المشكلة.

[tamim2022]

متقلقش ده مش عيب في الفون ده نظام خاص بالذكاء الاصطناعي بيعمل كدة لوحده كل فترة حتى لو إنت مش مفعل خاصية الأوتو ريستارت .
عاوز توقف القصة ديه إعمل إنت ريستارت للجهاز تلات مرات الى أربع مرات ع مدار اليوم وهتقف .
لكن فونك سليم مليون المية ومتمشيش ورا كلام حد يقولك بوردة أو سوفت أو أي كلام فاضي.

[RamyELGammal]

جايب منين التأكيد ده يا استاذ تميم
هو بيقول ايه 36 بيعمل كان نفس الشئ ودي فئة بعيده عن موضوع ريستارت الذكاء الاصطناعى
متضيعش عليه فرصه انه يرجعه لو فيه عيب صناعه لان كده الكلام مش مريح ووارد جدآ يكون فيه عيب صناعه
وشكله ضمان دولى يعنى هيلبس

[tamim2022]

لا خالص يا أستاذ رامي أنا مش بضيع عليه فرصة يبدله او يرجعه أنا بوفر عليه جهد ووقت ومش منطقي إن كل الأجهزة إللي جابها فيها القصة ديه كعيب .
طيب قصة عرفت منين أنا كنت في الإمارات ٢٠١٩ واشتريت نوت١٠بلس من هناك واستخدمته ولقيته بفترة عمل معايا ريستارت كذا مرة لوحده وده في ٢٠١٩ قبل تطور الذكاء الإصطناعي بفترة ورحت أرجعه وبدلته فعلا بواحد تاني وبعدها بشهر لقيته برضه نفس القصة ريستارت من ٥ الى ٧ مرات ع مدار اليوم ورحت بيه التوكيل برضه أرجعه أو أبدله واللي كان بيستلم مني الجهاز فني صيانة فلبيني ولما بقوله ع المشكلة قالي إن ده مش عيب وان أوقات الجهاز بيعمل كدة لوحده بدون تدخل وقالي متقلقش ولو عاوز تبدله أبدلهولك وبالفعل وقتها مقتنعتش بكلامه وبدلته لتاني مرة وبعد ففترة كبيرة من الإستخدام لقيته برضه نفس القصة وقتها رحت برضه وكنت ناوي أعمل مشكلة لقيت نفس الفني هناك وحكيتله وافتكر المشكلة في الجهاز اللي فات وقالي قلتلك ده مش. عيب قلتله إيه الحل قاله إنك انت تعمل ريستارت بنفسك تلات أربع مرات وهيتوقف يعمل كدة وكل مرة يعمل ريستارت لوحده هتعمل كدة لأن ده مش بيحصل غير ع فترات بعيدة جدا.
ده كان أول جهاز قبلت في الموضوع ده وبعدها أشتريت جهاز نوت ٢٠ من مصر هنا من أورانج وبعد سنة كاملة ظهرت القصة ديه فيه وعملت الموضوع ده وانتهت.
ابني جبتله a52s وقتها وبرضه عمل كدة
ومعايا s24 plus وبرضه عمل كدة وككل الأجهزة ديه عملت القصة ديه وعملت زي الفني ما قالي ومتكررتش تاني نهائي معايا .
ده بإختصار لكن القصة مش ع موقع سامسونج ولا معلومة منتشرة ديه من واقع خبرة مع أكثر من ٧ أجهزة فلاج شيب ومتوسطة ومن خبرة العامل الفني بتاع الصيانة اللي قالي ع المعلومة ديه.

[ahmedmoh123571]

بصراحة انا شغال مع سامسونج من s7edge لحد s25 محصلش معايا كده ..انا مستغرب جدا لكلامك ..اصلا مفيش حاجة اسمها الجهاز يعمل من نفسه ريستارت او اعادة تشغيل بدون ضبط الهاتف على كده ..شئ غريب وعجيب ومش مقنع ابدا للأسف..

[GergesGwaid]

مفيش دليل للأسف لكلام حضرتك، وبشوفك بترد على اي حد عنده المشكلة نفس الرد، مع إن مفيش حاجة مذكورة من قبل الشركة تأكد كلام حضرتك

[tamim2022]

بالفعل أنا برد على أي حد عنده القصة ديه بنفس الرد لأن ده الحل اللي أنا جربته والمعلومة إللي أعرفها زي ما أنا وضحت فوق.
واعتقد إن مش من المنطقي إن أجيب ٧ أجهزة كلهم فيهم نفس القصة ويكون عيب خاصة انها أجهزة مختلفة ما بين فلاج شيب وما بين أجهزة متوسطة.
ولكن ديه تجربتي ع مدار ٧ سنوات ومعلومة من فنيين سامسونج الإمارات.
وناس كتيرة هنا ع الجروب كانت عندها القصة ديه ولما قلتلهم الحل انتهت معاهم المشكلة ديه ولو معملش ريستارت بنفسه هي هتتوقف لوحدها بس الموضوع بيضايق ومحدش بيستحمل .

[GergesGwaid]

حضرتك المشكلة دي ظهرت بمجرد فتح الجهاز واستخدامه في تاني او تالت يوم، وحتى لو بعدها بشهر، ده المنطقي ان ده يحصل في البداية لو ليه علاقة بالذكاء الاصتناعي يبقى المبرر انه بيفهم استخدامي، لكن بعدها بشهر ده مش منطق خالص صراحة

[tamim2022]

أنا قلت لحضرتك تجربتي الشخصية واللي كان منها حصل بعد سنة كاملة حضرتك مش شهر ولا اتنين.
تحياتي لحضرتك🙏.

[tamim2022]

وعموما حضرتك مش هتخسر شيء لما تجرب حل ممكن يكون في وجهة نظرك مش صح بس جرب إنت مش هتخسر شيء وشوف.