إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

مشاكل لازم تعرفها قبل تحديث One UI 3

(أُنشأ الموضوع في: 09/02/21 04:32 م)
iPro
Active Level 8
خيارات
جالاكسى S
السلبيات: -

١-الشاشة هتبقى كأنها بقيت
 ٣٠Hz او ٤٠Hz،
 بمعني انك هتلاقي الحركة بقيت ابطء من الأول وهتحس ان في frames
 بتقع وانت بتعمل 
(scroll، swipe) 
في اي حاجة على الشاشة.

٢- lags & glitch
في كل حاجة بتتحرك على الشاشة (حتى بعد ضبط المصنع).


٣-لو كنت بتستخدم الإيماءات في ال
 Navigation bar
 مش هتستخدمها تاني بعد التحديث لأنها بقيت سيئة جدا في الاستجابة ولا يمكن تعتمد عليها وهترجع تستخدم الزراير (home, back, recent). 


٤-ادآء البطارية من سيئ الى أسوء

٥-سامسونج كيبورد بقيت اسوء في الإستجابة وفي زراير بتداس بالغلط اثناء الكتابة مع العلم ان مذكور في التحديث أن تم تحسينها بشكل كبير !

٦-عشان تدخل على ال 
Recovery mode
لازم تكون موصل الموبايل بالكمبيوتر عن طريق الكابل فقط غير كدة الثلاث زراير غبر مجدية (ممكن تكون ميزة لبعض الناس).

٦-بصمة الشاشة شكل البصمة فقط هو اللي اتغير لاكن الاداء لم يتم تحسين اي شئ فيه عكس اللي مكتوب

٧-استهلاك أعلى للرام (ولاكن دة طبيعي مع اي تحديث).

٨- جودة الكاميرا بقيت أسوء (ولاكن بشكل غير ملحوظ).

الإيجابيات: -

٩- اشكال ال
Notification bar , lists , secure folder , phone , lockscreen , recent menu , homescreen folders
وبعض التطبيقات اتغيروا !

١٠- تم اضافة خيار
Enhanced processing notification bar
لإستخدام انوية البروسيسور المخصصة للألعاب ولاكن في أي تطبيق.

١١- battery usage
أخيرا تقدر تعرف استخدام البطارية منذ آخر شحنه للموبايل، مش من ٧ ايام زي ما كان في الأول (خيار ال٧ ايام مازال موجود).

١٢- double tap to turn off screen

باقي الإيجابيات لا تستحق الذكر لأنها لا تعتبر إيجابيات !

21 التعليقات
iPro
Active Level 8
خيارات
جالاكسى S
عدلته 😄
___
Active Level 6
خيارات
جالاكسى S
من متابعتي الايام ال فاتت اقدر اقول ان الموضوع حظوظ، ناس بتشتكي وبتحذر ان حد ينزله وانا شخصيا خفت وبعدين لقيت ناس هنا بتشكر فيه فقولت اجرب حظي
بس بيقولو بينزل تعديل للتحديث بيكون بعد اسبوعين تلاتة مش عارفة صح ولا لأ
RamyELGammal
Expert Level 5
خيارات
جالاكسى S
انا فاكر ان التحديث بتاعكم ده نزل بدرى عن كده واتسحب او اتوقف لوجود مشاكل صح كده
ممكن تكون المشاكل دي لسه موجوده
فعلآ تحديث ال ام ٣١ مفيهوش نوعية المشاكل دي
iPro
Active Level 8
خيارات
جالاكسى S
اه فعلا نزل واتسحب 👍
RamyELGammal
Expert Level 5
خيارات
جالاكسى S
طيب يا باشا يبقي مش كل اندرويد ١١ هيواجه المشاكل اللي انت منزلها دي
احنا بقينا متعودين ان كل ما التليفون يقدم بيبقي تحديثه متعب عن اللي لسه نازل ومشاكله اكتر بغض النظر عن امكانيات التليفون ومش فاهم ليه حاجه غريبه
مفيش اساسآ وجه مقارنه بين ال اس و ال ام والمنطقي بيقول ان لو التحديث تقيل مثلآ تظهر العيوب في الاضعف لكن بيحصل العكس
ودايمآ تلاقي اول تحديث اظرف علي التليفون من التاني
انت ده تاني تحديث ليك صح ؟
iPro
Active Level 8
خيارات
جالاكسى S
بظبط انا مستغرب من كدة
بس برضو في ال اس٢٠ ناس كتير اشتكت من الاداء بعد الاحديث وبالأخص اداء الكاميرا
وبرضو سلسلة ال A
بس دي مش مستغربها لأن كلها مشاكل سواء بالتحديث او قبله.
دة تاني تحديث لل اس١٠ والمفروض فاضل تحديث تالت فقط
RamyELGammal
Expert Level 5
خيارات
جالاكسى S
مفيش ١١ نزل لل ايه لسه
انت توقع ان تحديثك ده فيه مشاكل لسه وهتتعدل ان شاء الله مع التحديثات الامنيه اللي جايه
كل باج يقابلك اعمله ريبورت وابعته عشان تساعدهم يلموا الاخطاء بسرعه
RamyELGammal
Expert Level 5
خيارات
جالاكسى S
هختلف معاك تاني 😀
يومك بقي النهارده
سلسلة ال ايه مش وحشه زيها زي اي سلسلة فيها وفيها
الفرق اللي محسسك ان الشكوي منه اكتر هو حجم المبيعات
مثلآ كل ١٠ اجهزة نوت او اس يتباعوا تلاقي قصادهم ٥٠٠ جهاز ايه و ام
يبقي اكيد الشكاوي هاتكتر
مبيعات سامسونح قايمه علي الفئة المتوسطه دي ومن غيرها تقع من السوق بدل ما هي نمرة واحد مبيعات دلوقت
iPro
Active Level 8
خيارات
جالاكسى S
😂
ومالوا ياباشا اختلف براحتك
من وجهة نظري ان سلسلة ال A, M
سامسونج كل هدفها فيهم انها تحط اسمها وسط الشركات الصيني اللي واكله الفئة المتوسطة اللي في السوق، مش عملاها عشان قيمة مقابل سعر خالص وللعلم انا كان معايا A50
بس مستحملتش مشاكله مع ان كان سعره مبالغ فيه وقتها على الخامات والاداء دة
انا فاهم وجهة نظرك ان دي فئة متوسطه ف مع معظم الناس ودة بيخلي مشاكلها تظهر اكتر
لاكن فعلا سامسونج مستخدمة هاردوير رديئ جدا فيها وبتعمل ماركتينج على حساب الأرقان اللي على الورق، لاكن تجربة المستخدم في الآخر بتثبت العكس
RamyELGammal
Expert Level 5
خيارات
جالاكسى S
معاك حق
تخيل انهم قافلين علينا في السوفتوير علي سبيل المثال الواي فاي باند ٥جيجاهرتز برغم انه اسرع بس عشان المدي اقصر
احنا دلوقتي علي ٢.٤ ولو بعدت كام متر عن الراوتر بيقطع ما بالك بقي لو علي باند ٥ هيتكشفوا اكتر