Original topic:

مراجعة جالاكسي اس ٢٣ الترا

(Topic created on: 03-02-2023 05:29 PM)
665 Views
أبوطلال-
Active Level 8
Options
جالاكسى S

بسم الله الرحمن الرحيم

ابنقل لكم تجربتي لجهاز اس ٢٣ الترا
علما ان جهازي السابق كان اس ٢١ الترا .


في البداية كان انطباعي المبدئي جميل وراضي عن الجهاز وكان اغلب المتابعين عندهم نوع من التحطيم بسبب ان الجهاز تقريبا مشابهه لتصميمه الخارجي لاس ٢٢
وهذي صراحه النقطه القويه اللي شدتني اشتريه.


كانت سابقا سامسونج تزاحم الشركات المنافسه سنويا لانتاج جهاز شكل جديد ومواصفات جديده وارقام على الورق احيانا يصعب على الواقع تطبيقه .
وبكن السنه هذي سامسونج تدراكت الخطأ وركزت على تطوير ودعم وتقويه مواصفات اجهزتها وضحت بالشكل الخارجي مقابل تطوير شامل للهاردوير والسوفت وير وهذا اساسا كان واضح في اجزاء الجهاز الداخليه ( بعد اطلاع على مقطع فيديو لتفكيك الجهاز ).


ومن ضمن التغييرات الداخليه هي البطاريه بحيث صار سهل جدا تغييره والالمنيوم الخارجي يعطيك ميزة تكلفه جدا قليله للاصلاح في حال الكسر ( مقارنة بالقزاز ).


وماننسى ان جسم الجهاز مقاوم للخدش وهذي ميزة جديده طرحوها الى درجة انه مايمديك تركب تغليف حراري خلفي مايمسك !!
هذي نقطه قليل احد يلاحظها والخدوش لازم انها تجي ولكن مع الجهاز هذا نسبة حدوثه راح تقل .

راح انقل لكم بالضبط التجربه اللي انا شفته من خلال اطلاعي البسيط على بعض الخصائص والمواصفات.
جهازي السابق كان معالجه اكزينوس - واس ٢٣ الترا سنابدراقون يعني الفرق للأمانه كان واضح حتى وصلت مرحلة استغرب ليش باقي يصنعون هذا المعالج وراح افصل بالضبط وين لاحظت الفروقات ونقول بسم الله ونبدأ.

ملاحظه كل الفروقات اللي أذكرها هي مقارنة ب اس ٢١ الترا !!

الشبكة والاتصالات :
البيانات الخلوية دعموا ترددات غير مدعومه اساسا عندنا ولكن يفيدك اذا سافرت وداخل السعوديه الفرق اللي تحسه فقط بال5g فيه سرعه ملحوظه وثبات بالاشاره افضل والعلامات المسؤوله عن دقة الاشارة والتشويش تحسنت بمقدار ١٥% ( نسبة جدا كبيره تعتبر) وماراح تلاحظ أهميتها الا بالمناطق المزدحمه جدا او المناطق النائية جدا .

من ناحية الواي فاي صار يدعم wifi7 ولاعندي راوتر يدعم الاشاره هذي لكن wifi6 اساسا كانت سرعته جباره يعني واي فاي ٧ يمكن اساسا مايمديك تقيس سرعته هنا ولكن يتضح لك الفرق اكثر لما تسوي مشاركة عن قرب لجهاز جلاكسي ثاني راح تلاحظ سرعة نقل بيانات سريعه ( ١ قيقا ) ما اخذ دقيقتين كذلك النقل عن طريق type c اللي حاليا يدعم سرعة ٣.٢ نقلت فيه بيانات ( ٦ قيقا ) ما اخذ تقريبا ٤ دقايق .
يعني سرعة نقل البيانات لاحظتها بقوه بالجهاز هذا كذلك وفرت وقت كثير .



الشاشة :
هنا أنا اقف عاجز عن وصفه واقدر اقولك الشاشه هذي راح تكون معيار لمقارنة اجهزة الفلاق شيب لسنة ٢٣
ماشاء الله تبارك الله صفاوة تطربك والاهم من هذا كله واللي انا كنت اعاني منه وضوح الشاشة في النهار ومع ضوء الشمس العالي جدا واضحه ودعم فعلي لكل بيكسل كاتبينه بالورق 👍👍 وتابعت فيه مقطع 2160p60 frame 4k فعليا تجربه ثانيه لعالم مختلف وتجربة سنمائية مع ال Dolby atom والىHDR يعني مايحتاج تروح سينما لان معدل صفاوة البت خيالي والصوت بتكلم عنه اذا جاء دوره وفيه تحت منزل لكم سكرين شوت لدعم الفيديو وسكرين شوت للمقطع نفسه ( سكرين شوت )


image



image
سكرين شوت من تطبيق يوتيوب


 

نقطه اخيرا للشاشه احسن شي سووه قللوا من الايدج اللي كان مزعج جدا لي وصارت الشاشه اريح للعين .

الصوت :
سمعت انا قبل اشتري الجهاز انهم عملوا تضخيم للصوت عن طريق تعديل بعض المجسم التصنيعي من داخل ولا عطيتها اهتمام ويوم شريت الجهاز وجربت الصوت خاصه ال Dolby atom الصوت جدا جميل وستيريو وواضح وافضل ب ٤٠% من اس ٢١ الترا بدون مبالغه صافي وواضح وسينمائي ولاتحتاج غالبا انك ترفع الصوت لاخر شي خاصه بالمكالمات .
كذلك اضافة المايك العلوي اللي متخصص بعزل الصوت كان وجوده واضح جدا جدا بالتسجيل ومهم للغايه
الى درجة والله العظيم بدون مبالغة ماشاء الله تبارك الله كنت في غرفه مافيها اي صوت مطلقا وسجلت والله اني سمعت دقات قلبي مدري هو دقة مايك او ان قلبي مربوش هههههههههه ولكن اساسا الفرق تشوفه واضح جدا لما تسجل في واتس او في انستقرام
الصوت ماشاء الله جدا صافي وواضح ومعزول من البيتشات اللي تزعجك .



الكاميرا :
وهذي اهم نقطة عند المستخدمين والسؤال المعتاد هل جالاكسي فعلا تعطيك مثل مايقولون بالورق ؟
السنه هذي انا اقولك وبكل ثقه ايه وانت مغمض
وللاسف ما قدرت اصور لكم كثير لكن اللي بيتابع حسابي بيشوف اني انزل تصوير من وقت لوقت
ولكن كمرة ال٢٠٠ ميقا بيكسل فيها تحسن بالعزل جبار وفتحة كمرة المايكرو اوسع وافضل استقطاب للضوء

والتنقل بين الكمرات جدا سلسل ودقيق مايتعبك
كذلك انا ماغطيت الاوزمو ( ثبات المقطع) اثناء تصوير الفيديو ولكن باليوتيوب ناس كثير موثقينه وجبار جدا للي يده مطفوقه او يصور فيديو متحرك زي اثناء القياده ( لاتصور وانت تسوق ) ولا حرصت اني انزل صور كثير لان اليوتيوب والمواقع غطتها بشكل افضل مني ولكن اللي اقدر اقوله ( الارقام هالسنه فعليا مطابقة للورق وربما افضل )


image
لقطه سريعه



image
وضع المايكرو بدون اي تعديل


 
ايضا بامكانك تصوير فيلم سينمائي 8K ٣٠ فريم
والميزه الجيده اللي اضافوها هي مطابقة صوت التسجيل مع السماعات اللاسكيه وصار يمديك تسجل فيديو بدقة صوت ٣٦٠ درجة 👍👍 تفيد الناس اللي توثق فيديو بالمطر خاصه اذا جاء برق راح تسمع صوت البرق بال Dolby atom صوت محيطي يفقع راسك👍
كان ودي اطول بالنقطه هذي وفيه اشياء كثيره بالكمره ماتطرقت له ابد لان الكمرا لحالها موضوع ابنزله بشكل مستقل .


 النقطة الاهم والاهم للناس اللي كانت تصور فيديو 4k وتعاني من الحراره اقدر اقولك ان معالج سناب دراجون خفف من الحرارة على الاقل ب ٥٠%
يعني بدال مايحتمي بعد ٥ دقايق صار ١٠ دقايق وزي كذا حسب ضروف التصوير ودرجة الحراره ولكن المعالج جباااار جدا ويتحمل ضروف عنيفه للتصوير بمقاومه جدا ممتازه للمقاطع اللي اقل من نص ساعه👍👍



دعم التطبيقات :
للمره الاولى في حياتي افتح السناب اشوف اخيرا فيه فرق !! ودعموا الكمره الواسعه ٠.٦
وصارت الكمره افضل ( لايمكن تقارن سناب الجالاكسي بالايفون) ولكن فيه تطوير بالدقه يعادل ٥٠ % افضل من قبل وراح تلاحظ الفرق بنفسك وعلى الاقل تقدر تشارك الصور والفيديو بدون استيراد ووجع راس
كذلك لاحظت الكمرا مدعومه بشكل كامل بالانستقرام يعني نفس دقة تطبيق الكمره راح تلقاه بالانستاقرام
واللي يستخدم الجالاكسي من فتره طويله يدري ان التطبيقات نادر تعطيك كفاءة الكمره زي مافي تطبيق الكمره ولاكن في اس ٢٣ الترا الموضوع تغير وصار فعليا فيه نقله نوعية للتطبيقات👍
الفرق اللي لاحظته بسرعة تثبيت التطبيقات اسرع من اس ٢١ الترا بمعدل ١٥% 


اضافة قلم s pen:
انا من الناس العشاق للقلم اللي فرق في اس ٢٣ هي دقة الرسم والحواف يعني افضل من نوت ٢٠ الترا ب ٣٠ %
زادت دقته وكثرت مميزاته ولكن مابحثت بالمميزات لانه بالنسبه لي قلم ويهمني دقة كتابته والحواف وهذي متطوره بالاس ٢٣ الترا 👍👍

فيه مميزات كثيره ما امداني ألحق عليها لكن هذا اللي قدرت اشوفه حاليا من استخدامي السابق .

البطارية :
جربت اعلى صفاوة للشاشة و ١٢٠ فريم
افضل استهلاك للبطارية مقارنة باس ٢١ الترا بمعدل ١٥%
يعني مقاومة الاستهلاك مع معالج السناب دراقون افضل ب ٣ مرات من اكزينوس وصار الاستنزاف اقل
خاصه اذا شغلت ال ٥ جي
اختصار البطارية استهلاكه صار افضل بمعدل ١٥%
ولاننسى ان الجهاز جديد وباقي ماتعرف على استخدامي واتوقع انه افضل بكثير من المعدل اللي عطيته .

العيوب :
وطرٌ مافيهِ من عيبٍ سوى
أنه مرّ كلمحِ البصرِ. 🤣
مافيه عيوب بالنسبه لي الا فقط مسكت الجوال وانت منسدح تتعب ايدك ( يمكن انا لياقتي ابوكلب)
وغيري ايده ماشاء الله كبيره ماتفرق معه 

ماعدى ذلك انا راضي ١٠٠% عن كل ريال دفعته ولاننسى ان سامسونج وعدت ب ٤ تحديثات للاندرويد يعني معاك الى اندرويد ١٧ ( ٥ سنوات بالراحه )
يفيد اللي يشري الجهاز وينام عليه .

واسف اذا طولت واختصرت بس تكلمت عن الاشياء اللي سويتيه وشفته ولاجبت مراجعات من يوتيوب لان كلكم تقدرون ترجعون له 👍👍

محبكم أبو طلال

17 Comments
Mezous
Active Level 10
جالاكسى S
ماشاء الله عليك فصلت وفضفصت الجهاز تمام أهنيك و أحب الإنسان اللي يهتم بتفاصيل جهازه ويستغل كل شي فيه مو بس عشان هياط ولا سوشل ميديا واتصالات وماقصرت بكل نقطة لكن ملحوظتين صغنونة :

الوايفاي مازال يدعم ٦ وليس ٧ الجوال الوحيد اللي يدعم ٧ هالسنة هو ون بلس

والتغليف الحراري الخلفي يمسك عادي خصوصا المطفي عشان مايخرب لون الجهاز
جالاكسى S
حياك الله
الواي فاي ٧ شفتها بموقع GSM arena يمكن موديلات ماتنزل عندنا او اني مخطي مادري بس شكرا على التصحيح.
والتغليف الحراري مريت كذا محل وقالي لو ركبته بيطيح !!
وشكرا على مرورك يالغالي
0 Likes
Mezous
Active Level 10
جالاكسى S
انا ركبت المطفي صراحة ومسك ماشاء الله تمام لكن لو نوع شفاف يمكن صادقين مايمسك لان الجهاز ملمسه نعم جدا وتفاصيلك جميلة تخلي الشخص يحب جهازه اكثر 😁👌
جالاكسى S
يارجل محلاتنا مضروبه اجل !!🤣🤣
0 Likes
Abdulra7manZ
Active Level 8
جالاكسى S
يمكن قصده واي فاي
6E

لان صار يدعم واي فاي
6E
Abdulra7manZ
Active Level 8
جالاكسى S
ماقصرت يابو طلال الله يعطيك العافيه

فعلا الجهاز أفضل ما أنتجت سامسونق من سنوات
تحس كأن سامسونق رجعت للسوق بكل قوتها مثل ايام 2012


وبالنسبه للصوت فعلا أجهزة اس 23
جات بسماعات ومايكات جديده عن اللي تستخدمها سامسونق في آخر اجهزتها


وماننسى المعالج اللي معدل ومصنوع مخصوص لسامسونق
Snapdragon 8 gen 2 for (galaxy)

نوع الذاكرة ال uFS 4.0

والرامات
Lpddr5x


كلها ساعدت ان الجهاز يكون جبار
ماشاء الله


الله يطرح البركة لك وللجميع سواءا في أي جهاز معه
جالاكسى S
يعطيك العافيه وعلى التوظيح
0 Likes
RAV9
Active Level 9
جالاكسى S
تقييمي له 7 من 10 واعتقد انه مايدعم واي فاي 7 تاكد اخوي
جالاكسى S
حياك اخوي
ودي لو تكرمت تبين لنا سبب تقييمك علشان نستفيد ونلتفت لأشياء يمكن ماشفناه
0 Likes