طبعا انكسر جوال من الكيرف اللي كل جوال جديد ينزل اتمنى انهم يشيلونه . خرمس الجهاز وصار شاشه نص صفراء من الكسر وتحت وفوق الكسر مضبوطه الاحد تاريخ ٨ مايو رحت لسامسونج حي الربيع دخلت اخذت رقم جلست نادتني الموظفه اخذت الجهاز "الشاشه بتكلفك ٢٥٠ من ١٤٥٠ بس فيه مشكله لازم تغير الغلاف الخلفي بسبب شعر خفيف بالخلف واحتمال ينكسر مع تغيير الشاشه " بكم الغلاف الخلفي ؟ " ٥٠٠ أي بيطلع عليك ب ٧٥٠ كامل الشغل " طيب وهل بيجيني الجهاز بدون غلاف اذا انكسر ؟ " لا بس بيصير مكسور وطالع من ضمان الحماية ضد الماء" طيب تمام خليه يجيني مكسور وبشوف بعد ما استلم اغيره او لا . طلعت من عندهم بإنتزار اتصالهم . يوم الخميس ١٢ مايو اتصلوا علي الساعه ١٢ ونص ظهرًا جهازك جاهز للإستلام . رحت لمهم شفت الجهاز الشعر صار كسر بس حاطين ماده شفافه اخفت الكسر واغنتني عن التغيير والشاشه ممتازه وسويت اختبار وكل شي تمام 👍 .
