من بداية ظهور جهاز S8 بدأت تظهر المشاكل اللازم حدوثها فاجهزة سامسونج زي الحراره و صرف البطارية ومشاكل وقلتشات متفرقه في النظام الى الان هالمشاكل موجوده في اجهزة S22 Ultra مو معقول مافي اي حل لهذي المشاكل وللاسف الموضوع يبدو وكأنه فشل في ادارة جودة المنتجات فتلقى واحد جواله مضروب حراره وتعليق والكاميرا تطلع اصوات والثاني جواله زي الفل الموضوع صار كنك تشتري صندوق الحظ الشي هذا يضايق ومافي أي حلول واضحه لهذي المشاكل كان معي S20+ وكان الجهاز مزاجي مره يسخن مره لا ومره يصرف بطاريه ومره لا والكاميرا مره تعطيني نتائج جباره ومره لا يعني أمر غريب الواحد يدفع مبلغ كبير وفي النهاية مايضمن الجهاز وخدمة العملاء من اسوء خدمات العملاء اللي واجهتهم فأي شركه على الإطلاق الموضوع صار ممل للأسف مافي خيارات ممتازه في السوق وبالذات من ناحية مميزات وثبات السوفت وير لكن للأسف ملينا.
كلام صحيح مية بالمية، غير إنه على قولتك صندوق حظ الواحد ما هو ضامن ايش جودة الجوال، خدمة العملاء يلي أكثر من سيئة كل موظف يفتي سياسة من راسه و كل سياسة عكس الثانية ما تعرف إيش سياستهم بالضبط و فوق هذا موظفين الصيانة جوالاتهم أيفون ولا يعرفون يستخدمون السامسونج.
من تجربة صارت معاي رحت الصيانة بسبب عيب مصنعي بكاميرا الجهاز. يومها كنت مثبت ثيم أيقونات من متجر سامسونج، فني الصيانة شاف شكل الأيقونات غير قال هذا هو سبب المشكلة للجهاز لأنك مغير نظام الجهاز نفسه كامل مما سبب خلل بالكاميرا
موظفين الصيانه فشله وغير متعلمين ومو فاهمين ويدورون الزله عشان مايصلحون جوالك وفوق ذا تتنكد بمشاكل الجهاز الغبيه مشاكل تستفزك فقط تخليك تندم انك شريته هذي اخر تجربه لي مع سامسونج ان شاء الله.
اي والله للأسف، أنا فعليا جهازي صارله في الصيانة أكثر من مدة من إستخدامي للجهاز و المشكلة مافي ادارة ترجعلها و خبرة الموظفين بالتهرب محترفين، المشكلة صارلي مستخدم جالكسي من أيام إس٢ و الآن كرهت سامسونج مو مصدق متى أرجع آخذ الجهاز و أبيعه و أخلص من سامسونج
مشكلة سامسونج سوفت ويرهم مو مستقر من فترة طويلة ولايهتمون بجودة منتجاتهم اهم شي بيع واربح عشان سمعة سامسونج انا من اشتراكي معهم من S5 الى نوت 10+ ملاحظ مافي استقرار عام باجهزتهم كل تحديث يجي عطب معين غير التعليق والحرارة
