متى سامسونج تكسر حلقة الملل والمشاكل؟

[yaadal]

السلام عليكم ورحمة الله 

صباح الخير 

من بداية ظهور جهاز S8 بدأت تظهر المشاكل اللازم حدوثها فاجهزة سامسونج زي الحراره و صرف البطارية ومشاكل وقلتشات متفرقه في النظام الى الان هالمشاكل موجوده في اجهزة S22 Ultra مو معقول مافي اي حل لهذي المشاكل وللاسف الموضوع يبدو وكأنه فشل في ادارة جودة المنتجات فتلقى واحد جواله مضروب حراره وتعليق والكاميرا تطلع اصوات والثاني جواله زي الفل الموضوع صار كنك تشتري صندوق الحظ الشي هذا يضايق ومافي أي حلول واضحه لهذي المشاكل كان معي S20+ وكان الجهاز مزاجي مره يسخن مره لا ومره يصرف بطاريه ومره لا والكاميرا مره تعطيني نتائج جباره ومره لا يعني أمر غريب الواحد يدفع مبلغ كبير وفي النهاية مايضمن الجهاز وخدمة العملاء من اسوء خدمات العملاء اللي واجهتهم فأي شركه على الإطلاق الموضوع صار ممل للأسف مافي خيارات ممتازه في السوق وبالذات من ناحية مميزات وثبات السوفت وير لكن للأسف ملينا.

[xMAHERx]

قسم بالله صادق بكل حرف و انا صرت اقول باخذ ايفون وبضمن و بدل ما اشتري جهاز انا وحظي ممكن مضروب و ممكن كويس. و لو تشيك ع برنامج 3DMARK بتلاحظ الشارت حق جالكسي S22 مضروب فيه اجهزه متوزعه ع مدى كبير ، يعني مثلا من 1300 نقطه الين 2700 نقطه و فكل منطقه بتلاقي نسبه كبيره من عدد الاجهزه بينما الايفون بتلاقي اكثر من 90% محصور ما بين 2800 الى 3000 و نسبه قليله بتلاقيه متوزعه من 2600الين 2799 و فوق ال 3000 .

[yaadal]

يب يب انت ملاحظ هالشي وفعلا شي غريب صراحه شي يقهر ويغبن انا مخطط ع الايفون 13 لين سامسونج تستحي على وجهها.

[Regards]

نفس الشيء نوت 9
احيانا سريع جدا ومافي حرارة
واحيانا حرارة وبطء شديد
على مزاجه

للعلم كل الأجهزة تسخن لكن ليس لحرارة عالية

[yaadal]

انا اقصد الحراره اللي بدون سبب مبرر لا العب ولا اصور فديو وفجأة الجوال يسخن هالشي غير مقبول نهائي جربت جوالات كثييييير مافي جوال اشتكيت منه زي جوالات سامسونج الوضع سيء للأمانه ولازم يشوفون لهم حل.

[ŚóHãrdŤòßè]

أكاد أتفق معك في ماقلت
خصوصاً الظاهرة العجيبة التي لاحظتها منذ شرائي لجهاز
S20-Ultra
فعلاً رأيت تفاوت عجيب بالمشاكل على الجهاز
البعض يشتكي منها والبعض الآخر وانا منهم كانت تجربتنا فيها جداً رائعة حتى هذا اليوم
وسبق ان قلت انه يبدوا ان الأجهزة تختلف حسب الدفعات والإصدار حتى ولو كانت نفس نوع الجهاز
ههههههههه 😂
في الصميم صراحةً كلمة صندوق الحظ

[yaadal]

فعلا صناديق حظ 😂😂.

[hussam47]

والله اتفق معك في كل شي لدرجة انه تغيرت بين ايفون وجالكسي اخترت الجالكسي وندمت الحين

[xMAHERx]

نفسك نفسك ليتني ماخذ ايفون 13 بس

[yaadal]

بيع الاس وخذلك ال 13 ترا عليه عرض 3400 ريال