انا من رأيي التوكيل علشان هيكون مسئول عن الجهاز لو لاقدر الله حصل أى خطأ وده صفر أخطاء التوكيل أغلى شوية لكن هتضمن إن الباغة تتركب مظبوط بدون أى ضرر
يا إما الحل التانى وده ما أفضلوش نهائى لإن لاقدر الله وبعد الشر ممكن ييجي يركبك حاجة ممكن مايبقاش مظبوطة و ممكن تؤثر على الشاشة واستجابة اللمس لإن الباغة ده عبارة عن طبقة واقية بلاستيكية يتم وضعها على الشاشة لو انت تعرف واحد صاحبك كويس ويكون محترف فى الصيانة والتركيب يبقى تمام
نصيحة منى انت موبايلك غالى و يستحسن توديه التوكيل أفضل لإنهم بيكونوا محترفين فى الجزئية ده
بالنسبة لمحلات الصيانة فيه ناس بيكونوا محترفين برضو فى الصيانة و الإصلاحات لكن لازم يكون حد انت عارفه شخصياً او حد بتتعامل معاه من زمان وعارف إن سمعته كويسة و لكن أى حد لما بيكون سمعته كويسة أسعاره فى الوسط بتكون قريبة شوية من أسعار التوكيل
