السلام عليكم ورحمة الله وبركاته، اليوم راح أتكلم عن تجربتي مع جهاز كان الأفضل في وقته ولا يزال الأفضل بعد Galaxy S24 Ultra، هو Galaxy S23 Ultra! وراح أقول لكم قصة تجربتي السريعة للجهاز وأعتقد أنني سبق وتكلمت عنها، بس خلونا ندخل في التجربة: كنت في مطار الدمام ولقيت محل للجوالات، فقررت أنني أدخل المحل وأشوف الأجهزة الموجودة هناك، وشفت واحد مصري يقول لي: شوف Galaxy S23 Ultra الجديد، هو جوال سامسونج الجديد السنة دي! وبالفعل، شفت Galaxy S23 Ultra وقررت أنني أجرب الجهاز، على العلم أنني أول مرة مسكت فيها جهاز سعره يتجاوز 5000 ريال سعودي في ذيك الوقت! والجهاز كان سريع جدا وصاروخ بالمقارنة بجهازي في ذيك الوقت واللي هو النوت 10 لايت، وطبعا كان الجهاز رهيب وبطل من كل النواحي! وكنت منبهر أن جوال توصل ذاكرة التخزين حقته إلى 1 تيرا بايت بعد Galaxy S10 Plus طبعا، وكانت مواصفات نسخة الجهاز اللي جربته هي كالأتي:
1 تيرا بايت من ذاكرة التخزين
12 جيجابايت من الذاكرة العشوائية
وبصراحة للأن أعتبر ذيك التجربة وكأنني جربت جهاز بطل! فكيف راح تكون تجربتي في المستقبل مع جوالات Samsung الجديدة إذا كانت هذي هي تجربتي مع Galaxy S23 Ultra؟ والسلام عليكم ورحمة الله وبركاته.
انا كان معي نوت ٨ وبعده جبت اس٢٣ الترا ، صراحة في البداية صعبت علي اشوف المقارنات والفروقات ولكن بعدين عرفت ان التطور اللي جاء في عدة سنوات كان شيء رهيب
السلام عليكم مساكم الله بالخير من لاحظ بطء في الجهاز بعد تحديث 6.0 one ui ؟ جهازي اس 23 الترا 256 قيقا شاريه من stc يا ليت اللي مرت عليه المشكلة ولقي حل يفيدنا
