عيب مصنعي في s22 ultra !

[Mayaar]

السلام عليكم ورحمة الله وبركاته 

طبعاً الموضوع واضح من عنوانه

اشتريت 

S22 ultra عن طريق موقع سامسونج 

و اكتشفت بعد اليوم الثالث من الاستخدام ان الجوال فيه عيب مصنعي

فوق البصمة بمقدار نص اصبع اذا ضغطت على الشاشة بقوة شوي

و رفعت اصبعك يطلع صوت نقرة بشكل واضح 

كأن اللصق اللي تحت الشاشة يمسك و يفك 

كلمت الدعم الفني و قالو لي روح للصيانة يحاولون يصلحوه لك !!! 

الجوال سعره مبلغ و قدره وما صارله ٣ ايام معي و تقولي روح للصيانة يفكه ويحاول يصلحه بحجة انها سياسة سامسونج ؟!!!

شي غريب والله!!

[svb4158]

شركة سامسونج عندنا سيئه بصراحه المفروض استبدال ع طول

[Mayaar]

جوال قيمته قريب ال٦ الاف ريال يقولك يفكه و صيانة
شركة ماتستحي والله

[〆almutairi〆]

طيب وايش المفترض يكون الصحيح؟!
انك ترفض الصيانه ويبقى معك على حاله

ياغالي دامك شريت انت تمشي على سياسات الشركه مهما كان مستحيل الشركه تمشي على اللي تبيه انت

اغلب شركات الجوالات تاخذ الجهاز وتحاول تصلحه اذا فيه مشكله يبدلون لك الجهاز غيره ما اعتقد انك تحلم من اول خلل يقولون هاك جهاز جديد

حقيقه ولو انها مؤلمه ولا نتمناها

[Mayaar]

حبيبي طبعاً ارفض الصيانة
الجوال استخدام ٣ ايام و العيب مصنعي
على اي اساس ياخذه مني و يفكه !!
و اذا عندك خبرة بالصيانة تعرف ان حرارة الهيتر اللي يفك فيها الجوال تأثر على البطارية على المدى البعيد و هذا غير ان الجوال مستحيل يرجع لنفس قدرة التحمل بالنسبة للمياه و الغبار
على اي اساس اخليه يفكه و يصلحه؟ جوالات سامسونج بدون فكها تفقد نص سعر قيمتها خلال اول اشهر فما بالك اخليه يدخل صيانة !!
عموماً وزارة التجارة موجودة لسياسات النصب والاحتيال .

[〆almutairi〆]

سامسونج مجرد ماتشتريه وتشغله فقد اكثر من نص سعره اساسا 👍

عموما الله يقويك عندك وزارة التجاره ولو كلمتها واجبرت سام وأخذت جوالك كيف بتصلحه وانت اساسا رافض بكذا ماراح تستفيد من البلاغ اساسا

عطني شركة جوال جهازك فيه خلل مصنعي يسلمونك جهاز مباشره جديد مستحيل

لازم يحاولون يسسونه اذا مافي فايده يعطونك غيره

عموما قدم ع وزارة التجاره وعطنا خبر وش يصير معك ومتاكد 100 بالميه ماراح يعطونك جديد الا بعد محاولة إصلاحه

[Mayaar]

العطل اسفل الشاشة مباشرة يعني رح يفك الشاشة او يستبدلها و هذا سبب كافي لحاله ان الجهاز يتبدل

عموماً ان شاء الله رح اخبركم بالأحداث اول بأول

[〆almutairi〆]

طيب ارفع بلاغ للتجاره وعطنا خبر وش يصير معك 👍

[94MHF · Accepted solution]

روح الصيانة يبدلوه، قانون الدولة معاك ٧ أيام استبدال الجهاز بسبب عيب مصنعي، و اذا رفضو صوّر الفاتورة و قدم شكوى خلال تطبيق وزارة التجارة و أرفق الفاتورة و وأوضح انهم رفضو الاستبدال خلال سبع أيام

[Mayaar]

بكرا ان شاء الله رايحلهم و مجهز معي البلاغ بنفس اللحظة في حال عدم الاستبدال