الفكرة ان جهاز حضرتك له عدد سنين معين ك دعم للتحديثات ، ملهاش علاقة ان كان معاك موبايل فئة نوت او اس مثلا وبقاله سنتين نازل ، ويكون اقوا من موبايل من فئة الاي نازل السنة دي ، ويجيله تحديثات زيه.
التحديثات لاي موبايل اندرويد فالعالم مش بس سامسونج بيبقى له عدد سنوات معين بعدها بيقف التحديثات عنه.
فئة الاس والنوت عشان موبايلات غالية ومميزة ، بقت بتاخد ٣ سنوات تحديثات اندرويد رئيسية و ٤ سنوات تحديثات أمنية، أما فئة الاي بتدعم سنتين فقط تحديثات اندرويد رئيسية و ٣ سنوات تحديثات أمنية.
طبعا مش بس سامسونج بتعمل كده ، تقريبا كل الشركات بتعمل كده عشان لما موبايلك تقف عنه التحديثات ، انت هتحس انه قديم خلاص وهيبقى ليك رغبة تشتري موبايل جديد ، فا بالتالي يخلوك تشتري منهم موديل السنة بشكل مستمر.
لو عالعمر عالافتراضي فا دي بترجع على حسب المستخدم ، ان كان شخص محافظ على جهازه وبيستخدمه بشكل بسيط ومعقول ، الجهاز هيقعد معاه ما يصل الى ٦ او ٧ سنين عادي جداً.
بينما التحديثات هي اللي بتخلي الجهاز مواكب لكل ما هو جديد من المزايا وخواص الامان وتصليح الاخطاء.
فا لو معندكش مشكلة تكمل مع جهاز خلصت التحديثات عليه فا هتقدر تكمل بجهازك مدة طويلة عادي
