عايز رد من سامسونج، انا تعبت

[johny2000]

هل ده سوفت وير؟؟؟

الموبايل عندي بيشحن في اتجاه واحد بس من مدخل الـ USB-C، والشحن السريع جدًا مش بيشتغل. لو قلبت الكابل على الناحية التانية مش بيشحن. أحيانًا كمان بيقف عن الشحن خالص. لما بعمل ريستارت وأوصله وهو بيعيد التشغيل بيبدأ يشتغل تاني، بس برضه في اتجاه واحد ومن غير الشحن السريع جدًا.

مرة تانية ظهرتلي رسالة إن في رطوبة في المدخل، وبعدها رجع يشتغل لكن برضه بنفس المشكلة.

قريت على Reddit إنك لو نفخت بقوة في المدخل بيتصلح، وجربت ده فعلاً واتصلح وبقى يشحن من الاتجاهين وبشحن سريع جدًا، لكن بعد أيام رجعت نفس المشكلة.

مع العلم إن موبايلي عمره ما اتعرض لرطوبة أو بخار أو حتى تراب، أنا محافظ عليه جدًا لدرجة إني ساعات بستخدم موبايل تاني علشان أبعد الـ S24 Ultra عن أي حاجة ممكن تأثر عليه.

الموضوع كله بدأ تقريبًا بعد أسبوعين من تحديث للسوفت وير. مش عارف هل له علاقة ولا دي مشكلة هارد وير.

رحت مركز خدمة سامسونج، بس من غير ما يعملوا تشخيص حقيقي قالولي إن المنفذ محتاج يتغير.

والسبب إني مش واثق في كلامهم إني قبل كده حصلتلي مشكلة في الكاميرا كان فيها صوت "buzz"، قالولي الكاميرا لازم تتغير بـ 15 ألف جنيه، وبعد تحديث للسوفت وير المشكلة اختفت. يعني من تجربتي مش دايمًا بيبقوا عارفين السبب الحقيقي.

بقالي ثلاث شهور 

هل عندكم علم المشكلة دي عامة و موجودة ولا لا ؟ 

و هل ممكن تتصلح بسوفت وير ؟

[GambulFreeman]

لا بس الموبايل بقى بحالات شوية يشحن عادي و احيانا ميرضاش غير وايرليس

[mohsamka]

كلنا عندنا نفس المشكلة

[johny2000]

في حاجة اتصلحت بعد الابديت ؟

[Elasad13]

اصلح معاك او وصلت لحل

[johny2000]

لا، بس بعد ابديت بقي يظهر شحن سريع و يرجع تاني بشكل عشوائي. يمكن ده دليل انه سوفتوير ، مش عارف 🤷‍♂️

[hassanlamey]

نفس المشكلة عندي بالضبط ومش لاقي حل سواء الشاحن بيشحن ب اتجاه واحد فقط والشحن سريع مبقاش شغال حتى وانا مفعله مالاعدادات برده بيشحن عادي وبعدها مبقاش بيشحن خالص ونضفته وجربت كذا كابل اوريجنال وبرده نفس المشكله وبشحن حاليا وايرلس
موبايل ٢٤ الترا

[Elasad13]

لقيت حل

[hassanlamey]

للاسف مفيش حل غير ان اروح مركز صيانه سامسونج وانا مأجل موضوع ابصيانه دا اخر خطوة لان مش عايز الموبايل يتفتح + مش واثق بكلامهم
لان الموبايل انا واثق تماماااا انه ولا اتعرض لرطوبة وولا اتعرض ل ميه ف حاسس انها سوفت مش هارد وير
وكمان الموضوع طلع منتشر جداا بجميع فئات موبايلات سامسونج سواء فلاجشيب او اقتصادية

[Elasad13]

فعلا منتشر في نحديث امني وصل هحدث و اجرب يمكن يظبط

[hassanlamey]

مش عايز احبطك واقولك ان التحديث وصلي من اسبوع ومازالت نفس المشكلة 🥹