عايز رد من سامسونج، انا تعبت

[johny2000]

هل ده سوفت وير؟؟؟

الموبايل عندي بيشحن في اتجاه واحد بس من مدخل الـ USB-C، والشحن السريع جدًا مش بيشتغل. لو قلبت الكابل على الناحية التانية مش بيشحن. أحيانًا كمان بيقف عن الشحن خالص. لما بعمل ريستارت وأوصله وهو بيعيد التشغيل بيبدأ يشتغل تاني، بس برضه في اتجاه واحد ومن غير الشحن السريع جدًا.

مرة تانية ظهرتلي رسالة إن في رطوبة في المدخل، وبعدها رجع يشتغل لكن برضه بنفس المشكلة.

قريت على Reddit إنك لو نفخت بقوة في المدخل بيتصلح، وجربت ده فعلاً واتصلح وبقى يشحن من الاتجاهين وبشحن سريع جدًا، لكن بعد أيام رجعت نفس المشكلة.

مع العلم إن موبايلي عمره ما اتعرض لرطوبة أو بخار أو حتى تراب، أنا محافظ عليه جدًا لدرجة إني ساعات بستخدم موبايل تاني علشان أبعد الـ S24 Ultra عن أي حاجة ممكن تأثر عليه.

الموضوع كله بدأ تقريبًا بعد أسبوعين من تحديث للسوفت وير. مش عارف هل له علاقة ولا دي مشكلة هارد وير.

رحت مركز خدمة سامسونج، بس من غير ما يعملوا تشخيص حقيقي قالولي إن المنفذ محتاج يتغير.

والسبب إني مش واثق في كلامهم إني قبل كده حصلتلي مشكلة في الكاميرا كان فيها صوت "buzz"، قالولي الكاميرا لازم تتغير بـ 15 ألف جنيه، وبعد تحديث للسوفت وير المشكلة اختفت. يعني من تجربتي مش دايمًا بيبقوا عارفين السبب الحقيقي.

بقالي ثلاث شهور 

هل عندكم علم المشكلة دي عامة و موجودة ولا لا ؟ 

و هل ممكن تتصلح بسوفت وير ؟

[johny2000]

من مصر بس بضمان دولي

[GambulFreeman]

طيب بص انا عندي نفس المشكلة بالظبط و غالبا هي فعلا مشكلة سوفت او مشكلة البورت ف باتش معين من الموبايل.
ف عشان نتأكد انا بعت ايميل لسامسونج عشان يبصوا ف الحوار

[GambulFreeman]

انت بردوا ممكن تبعت ايميل دايركت اشرح المشكلة و فكك من خدمة العملاء و الدعم

[johny2000]

ممكن و نبقي نبلغ بعض هنا ، يمكن غيرنا يستفيد

[GambulFreeman]

اول ما الاقي جديد هقولك

[johny2000]

حد رد عندك ؟

[GambulFreeman]

بعتلهم كذا ايميل و كل كلامهم اني اروح مركز صيانة

[johny2000]

مهو مركز الصيانة بالنسبالي كلامه لا منطقي ولا موثوق و كان عايز يدبسني في ١٥ الف قبل كده 😂😂 هبل مووت

[GambulFreeman]

انا مش مقتنع بيهم بردو ف هستنى لحد الابديت الجاي و اشوف الوضع🤷🏻 🤷🏻

[johny2000]

ابديت one ui8 صلح حاجة ؟