الموبايل عندي بيشحن في اتجاه واحد بس من مدخل الـ USB-C، والشحن السريع جدًا مش بيشتغل. لو قلبت الكابل على الناحية التانية مش بيشحن. أحيانًا كمان بيقف عن الشحن خالص. لما بعمل ريستارت وأوصله وهو بيعيد التشغيل بيبدأ يشتغل تاني، بس برضه في اتجاه واحد ومن غير الشحن السريع جدًا.
مرة تانية ظهرتلي رسالة إن في رطوبة في المدخل، وبعدها رجع يشتغل لكن برضه بنفس المشكلة.
قريت على Reddit إنك لو نفخت بقوة في المدخل بيتصلح، وجربت ده فعلاً واتصلح وبقى يشحن من الاتجاهين وبشحن سريع جدًا، لكن بعد أيام رجعت نفس المشكلة.
مع العلم إن موبايلي عمره ما اتعرض لرطوبة أو بخار أو حتى تراب، أنا محافظ عليه جدًا لدرجة إني ساعات بستخدم موبايل تاني علشان أبعد الـ S24 Ultra عن أي حاجة ممكن تأثر عليه.
الموضوع كله بدأ تقريبًا بعد أسبوعين من تحديث للسوفت وير. مش عارف هل له علاقة ولا دي مشكلة هارد وير.
رحت مركز خدمة سامسونج، بس من غير ما يعملوا تشخيص حقيقي قالولي إن المنفذ محتاج يتغير.
والسبب إني مش واثق في كلامهم إني قبل كده حصلتلي مشكلة في الكاميرا كان فيها صوت "buzz"، قالولي الكاميرا لازم تتغير بـ 15 ألف جنيه، وبعد تحديث للسوفت وير المشكلة اختفت. يعني من تجربتي مش دايمًا بيبقوا عارفين السبب الحقيقي.
اخر حاجه انا توصلتلها بعد بحث كتيييييير جدا بسبب الموضوع دا ان في ناس ظبطت معاهم وناس لا ( وانا من ضمن الي لأ ) 🤧 اول حاجه ان كذا حد تبع صيانه موبايلات اكدو نفس الكلام ان في دايرة كهربائيه بتكون موجوده وسيط مبين منفذ الشحن والبورده ف دي اللي بتدي امر للبوردة ان في كابل اتوصل بالموبايل ف اتفضل اشحن ،، دي لما بيطولها ميه غبار اااي حاجه خلاص هيست ولازم تتغير لانها بتفصل ومبتديش امر للبوردة انها تشحن
تاني حاجه في لينك عاليوتيوب حد بيشرح كذا طريقه جربها وظبطت مع ناس كتير والشحن رجع تاني اشتغل معاهم
