عايز رد من سامسونج، انا تعبت

[johny2000]

هل ده سوفت وير؟؟؟

الموبايل عندي بيشحن في اتجاه واحد بس من مدخل الـ USB-C، والشحن السريع جدًا مش بيشتغل. لو قلبت الكابل على الناحية التانية مش بيشحن. أحيانًا كمان بيقف عن الشحن خالص. لما بعمل ريستارت وأوصله وهو بيعيد التشغيل بيبدأ يشتغل تاني، بس برضه في اتجاه واحد ومن غير الشحن السريع جدًا.

مرة تانية ظهرتلي رسالة إن في رطوبة في المدخل، وبعدها رجع يشتغل لكن برضه بنفس المشكلة.

قريت على Reddit إنك لو نفخت بقوة في المدخل بيتصلح، وجربت ده فعلاً واتصلح وبقى يشحن من الاتجاهين وبشحن سريع جدًا، لكن بعد أيام رجعت نفس المشكلة.

مع العلم إن موبايلي عمره ما اتعرض لرطوبة أو بخار أو حتى تراب، أنا محافظ عليه جدًا لدرجة إني ساعات بستخدم موبايل تاني علشان أبعد الـ S24 Ultra عن أي حاجة ممكن تأثر عليه.

الموضوع كله بدأ تقريبًا بعد أسبوعين من تحديث للسوفت وير. مش عارف هل له علاقة ولا دي مشكلة هارد وير.

رحت مركز خدمة سامسونج، بس من غير ما يعملوا تشخيص حقيقي قالولي إن المنفذ محتاج يتغير.

والسبب إني مش واثق في كلامهم إني قبل كده حصلتلي مشكلة في الكاميرا كان فيها صوت "buzz"، قالولي الكاميرا لازم تتغير بـ 15 ألف جنيه، وبعد تحديث للسوفت وير المشكلة اختفت. يعني من تجربتي مش دايمًا بيبقوا عارفين السبب الحقيقي.

بقالي ثلاث شهور 

هل عندكم علم المشكلة دي عامة و موجودة ولا لا ؟ 

و هل ممكن تتصلح بسوفت وير ؟

[hassanlamey]

مش عايز احبطك واقولك ان التحديث وصلي من اسبوع ومازالت نفس المشكلة 🥹

[Elasad13]

انا كلمت التوكيل و كالي دايرة شحن و شكلي هعملها بس حوار التليفون اتفك دي خلي بالك ده لو برا التوكيل ممكن يبان انما التوكيل بيقفل استاندر تاني و وتر بروف و عمر محد يعرف ان الجهار اتفك

[hassanlamey]

انا سالت عليها قالولي بحدود ١٥٠٠ جنيه دا خارج التوكيل
معرفش بالتوكيل بكام واكيد باذن الله لما هغيرها هتكون بالتوكيل
بس انا مستحرم والله ان الموبايل حتى اذا التوكيل قفله كويس وكل حاجه انتي ك سركة سامسونج مش عارفه تظبطي حاجه عبيطه زي دي تبوظي موبايلات بسبب خلل غبي زي دا

[Elasad13]

سعر التوكيل ١٣٧٠

[hassanlamey]

تمااام تسلم
انا اللي مزعلني ان الموبايل هيتفتح والله اعلم هيتقفل كويس ولا لا مهو اللي بيقفل دا بني ادم بشر مش اجهزة بتقفل الموبايل زي تقفيل تصنيعه

[Elasad13]

والله الي اتقالي انو اجهزة الي بتقفل بس مش عارف بقي صدق ولا كذب

[Elasad13]

انا عندي بقي كانت بتظهرلي دايما عملت السوكيت ب هوا جامد بقي يشحن عادي جدا بس لو قفلت الفون باور خالص بيطلعلي الانزار

[hassanlamey]

معلش انت عملت بهوا جامد سشوار ولا في حاجه اقوى وكان هوا ساقع طبعا صح ؟

[Elasad13]

كان كمبروسر هوا بتاع نفخ الكوتش و هوا ساقع

[hassanlamey]

تمام تسلم
هجرب وهشوف باذن الله