الموضوع ده بيعتمد على حاجة اسمها VoLTE (Voice over LTE)(وأنا متحدث عنه تقدر تشوفه عندي)، وهي اللي بتخلي المكالمات تحصل على شبكة 4G بدل ما يرجّعك لـ 3G أو 2G، لأن لما الشبكة بتتحول لـ 3G أثناء المكالمة، بيانات الموبايل بتفصل تلقائيًا.
الحل:
تأكد إن VoLTE شغالة عندك
افتح الإعدادات← الاتصالات← شبكات المحمول← شغل VoLTE لو لقيتها.
لو مش لاقي VoLTE أو فصلت بعد تحديث
أحيانًا شركات الاتصال بتقفلها، فلو كان عندك قبل كده واختفت، جرب تكلم خدمة العملاء عشان تتأكد إنها شغالة على خطك.
لو الموبايل مش بيدعم VoLTE على خطك
مفيش حل غير إنك تشغل الواي فاي وقت المكالمات عشان تفضل متصل بالنت.
