السلام عليكم
مساء الخير للجميع
هذي طريقة تحديث واجهة one UI 7.0 مجربه مني شخصياً والطريقة تحتاج كمبيوتر وتأخذ وقت
تحذير ⚠️⚠️ قبل ماتبدأ تسوي الخطوات راح يفرمت جهازك تأكد انك مسوي نسخ احتياطي ⚠️⚠️
الي مستعجل ويبي يحدث هذي الخطوات
* الخطوة الأولى(تحميل التحديث )
اول شي حمل التحديث من موقع samMobile
تكتب samMobile firmware بعدها تحط
تنزيل البرامج الثابتة الخاصة بشركة سامسونج
بعدها راح تظهر لك هذه الصفحة تحط موديل جوالك مثل الي مطابق في الأعدادات
*عشان تتأكد رح الى الضبط⬅️ حول الهاتف⬅️ اسم الطراز*
وحط اي دولة بس تكون من الدول الي نزلها تحديث one UI 7.0 مثل فرنسا و بولندا
بعدها حط التحقق من وجود تحديث وراح يظهر لك واضغط عليه بيقولك سو لك حساب في الموقع تسويه بشكل سريع وتكمل الخطوات بعدها حمل التحديث تقريباً حجمه 17GB
بعد ماتحمل انسخه الى الكمبيوتر
صورة توضيحة لتثبيت التحديث
* الخطوة الثانية ( تغير csc للهاتف)
قبل ماتبدأ لازم تفعل وضع المطور رح الضبط⬅️حول الهاتف⬅️معلومات البرنامج⬅️اضغط على رقم الأصدار اكثر من مره ويتفعل معك بعدها رح تصحيح أخطاء USB وفعلها
وصل الجوال بالكمبيوتر بعدها حمل برنامج اسمه SamFw Tool
هذا البرنامج يغير csc لجهازك تحط الدولة اللي انت حملت التحديث منها مثل فرنسا وبولندا كل دولة يجي فيها اختصار ثلاث حروف مثل السعودية KSA هذا رمزها
انت دور الرمز الخاص بالدولة الي حملت تحديثها
صورة توضيحية لواجهة البرنامج
*الخطوة الثالثة والأخيره
(تثبيت التحديث)
*قبل ماتبدأ في الخطوات طف الجوال واضغط مع بعض زر رفع وخفض الصوت ووصل الجوال بعدها راح تظهر لك شاشه خضراء واضغط على زر رفع الصوت وهنا تكون خلصت من الجوال انتقل الى الكمبيوتر
شاشة تثبيت النظام
بعد ماتخلص جميع الخطواة حمل برنامج odin في الكمبيوتر هذا البرنامج الي يخليك تثبت التحديث
انسخ الملفات الي نسختها من الجوال للكمبيوتر وفك الضغط منها وانقل كل ملف في خانته
صورة توضيحية لملفات النظام وواجهة برنامج odin
بعد ماتخلص حط start راح يتثبت التحديث تقريباً يأخذ ١٠ دقائق
وهنا اقدر اقلك مبروك عليك التحديث 🥳
تعديل: بعد ماتحدث وتخلص الجهاز رجع csc إلى السابق إلى منطقتك الأصلية عشان تقدر تستعمل samsung wallet وخدمات منطقتك
وأعذروني على الأطالة وأي سؤال او استفسار انا موجود
