شعور جديد من تأخير ONE UI 8.5

[ahmedmoh123571]

بكل صراحة وانا من محبى سامسونج من زمان لكن اللى حصل فى موضوع تحديث واجهة ONE UI 8.5 وتاخيره لحد النهاردة كل التأخير ده وصدور عشرة تحديثات بيتا لسلسلة S25 من ديسمبر 2025 الى مايو 2026 يعنى تقريبا نصف عام ده محصلش قبل كده اطلاقا وبصراحة ملوش اى تبرير مقنع غير ان سامسونج للاسف الشديد عايزة تسوق للسلسلة الجديدة S26 ضاربة بعرض الحائط كل استياء وضجر لأصحاب سلاسل الهواتف القديمة ..متقنعنيش ان ٥ او ٦ شهور سامسونج مش عارفة تصدر فيهم ولو اصدار ثابت واحد لسلسلة S25 مثلا رغم أنها أطلقت فى فبراير S26 بالاصدار الثابت لواجهة المستخدم ONE UI 8.5..زى مابقولك واضح جدا ان السبب فى التأخير هو سبب تسويقي بحت لا يحترم أصحاب الهواتف القديمة ولو كانت حتى سلسلة S الرائدة للعام الماضى ..بكل صراحة مفيش مبرر لكده وده شى يزعل ويفقد الثقة فى سياسة التعامل حتى مع عملاء العام السابق .وعلى فكرة السلسة الرائدة لها عملاء قادرين يعنى مش هيفرق معاهم اللى بتعملو سامسونج ده ..بصراحة لأول مرة اشعر بهذا الاستياء من هذا التأخير غير المبرر على الإطلاق..لكن الظاهر سامسونج واثقة من تميزها ومميزاتها ولا تخشى لذلك فقد عملاءها ولا تراعي لهم شعور ..فى النهاية ..كل ما فات مات وكل ماهو ات ات 

ولكن بقى شئ بداخل الضمير سؤال يغير مجرى هذا الاستياء والضجر ..ماذا لو اصدرت سامسونج واجهة one ui 8.5 على سلسلة S25 بعد اصدار سلسلة S26 هل كان ذلك سوف يؤثر على مبيعات هذه السلسلة الجديدة خاصة وان هاتين السلسلتين شديدتا التقارب والتشابه...صديقى نستاء نتضجر نعم يحدث كل ذلك ولكن فى النهاية دعنا نكون منصفين ⚘️⚘️❤️❤️🙏🙏

[AdelElrashihdi]

احب اقول لحضرتك انهم علي وشك اصدار تحديث بيتا للمره الحادية عشرة لأنهم اكتشفو مشاكل في الواجهه قبل اصدار التحديث النهائي
عشان كده بيفكرو في إصدار بيتا كمان مره

[TheUnκn0ωη]

فين التاخير؟

[ahmedmoh123571]

معاك حق نص سنة مش تأخير 😂

[TheUnκn0ωη]

ما مش منطقي يعملوا سوفتوير في نص سنة
ال oneui8 يدوب لسة هيكمل سنة قريب

[ahmedmoh123571]

صدقنى مش كده بس هم برضو لازم يسوقو ويبيعو ده حقهم لان السوفت وير جاهز وشغال على S26 اللى معالجه مقارب جدا جدا من S25

[sly4795]

هو تقريبا تحديث الواجهه الجديد شكله هينزلنا 2027 بسبب كم المشاكل الا هما بيكتشفوها كل لما يجوا يخدوا قرار في وقت معاد تنزل التحديث الرئيسي

[ahmedmoh123571]

كلام كذب ..ماهى الواجهة زى الفل على S26 وميفرقش كتير عن S25 ..هو سبب تسويقي بحت للاسف الشديد

[sly4795]

كلام كله مقصود علي ان الواجهه الجديدة من سامسونج دايما بتخد وقت من كثر مشاكل الا بتكون في سامسونج اثناء نزول واجهه جديدة

[ahmedmoh123571]

شى غير مقنع تماما لان S26 وS25 قريبين من بعض جامد حتى فى قوة المعالج فازاى من فبراير ينزل S26 بالواجهة ولحد النهاردة وياعالم لحد امتى هتنزل ل S25 ..على فكرة اكبر دليل ان سبب التأخير تسويقى بحت هو اصدار اكتر من بيتا ولغالبية السلاسل ..عشان لما يحبو ينزلو الواجهة الجديدة يلحقو ينزلوها للكل فى وقت قريب ..ده شى واضح جدا بالنسبة لى ..مفيش حاجة اسمها لسه فى مشاكل فى الواجهة بعد ١٠ إصدارات فى نص سنة تقريبآ..ده كده يبقى يبيعو جزر مش أجهزة إلكترونية 😂..مع احترامي للجميع