Highlighted
mody79
Active Level 6
١. أجهزة كتيرة متقاربة المواصفات مختلفة في الأسماء زي مثلا 
A20 - A20S 
بقت سامسونج بتطلع موبايلات كتيرة جدا مليانة عيوب 
٢. سوفت وير وتحديثاته فيها مشاكل كتير وعلى الرغم من تأخير موعد التحديثات لأ وكمان بتنزل فيها عيوب طب ما بجملة التأخير أنزل  تحديث يحل مشكلة مش يحل مشكلة ويعمل  مشكلة تانية لا وكمان بيشيلوا ميزات بتكون كويسة بدون إبداء أسباب في هواتف معينة ويسيبوها في هواتف تانية طبعا على أختلاف البلدان يعني بلد تلاقي فيها الميزة دي موجودة وبلد تانية لأ ده غير البرامج إللي بتزل حصري لهواتف معينة في بلدان معينة وده بيخلي المستخدم مستاء جدا 
٣. موضوع إن الجهاز ياخد تحديثين أساسيين دي بقت قديمة لأن في موبايلات بيتم دعها بتحديث نظام تشغيلها بأحدث نسخ التغشيل الموجودة وبتقى تليفونات قديمة نوعا ما بس أمكانياتها تستحمل التحديث ده محدش قال متبيعش بس أعمل حساب الناس إللي دافعة دم قلبها في موبايلات فلاج شيب ولحد دلوقتي بتنافس في السوق وهتتحرم من تحديث زي أندرويد ١٠
٤. غلو سعر أجهزة سواء في فئة متوسطة أو فلاج شيب مقارنة بأجهزة بنفس الأمكانيات في شركات منافسة ودي مشكلة كبيرة بالنسبة للشركة قبل ما تكون للمستخدم نفسه
٥. واجهة مستخدم مختلفة نوعا ما وجديدة وجميلة بس بيعيبها انها ساعات بتعمل مشاكل أثناء تشغيل الجهاز وبيحدث فيها أخطاء بدون ما تكون عارف السبب إيه
٦. عدم قدرة المستخدم في بعض الأحيان على تثبيت برامج أو تحديثات برامج من خارج
Google play 
أو
Samsung store
بحجة المحافظة على الجهاز على الرغم من أن السوفت وير بيحصل فيه مشاكل من برامج الستورات نفسها
٧. عدم وجود نظام حماية قوي حيث أنه يمكن إختراق النظام وتخطي حساب جوجل بكل سهولة وفتح الموبايل بعدم عمل فورمات له حيث أنه مقارنة بنظام تشغيل 
IOS
سهل الإختراق عن نظام أبل 
الذي من الصعب إختراقه ولكنه من الممكن إختراقه ولكن بصورة أصعب من سامسونج
٨. خدمة عملاء مستفزة نوعا ما لا تقدم حلول جذرية إلا بعد مماطلة
٩. إكسسوارات باهظة الثمن وقد لا تؤدي الغرض المصنوعة من أجله بشكل مناسب بما يتماشي مع الثمن المطروحة به 
١٠. قطع غيار أيضا باهظة الثمن والتسليم بعد الصيانة لا يتم في المواعيد المحددة 
وعلى فكرة أنا من هواة إستخدام أجهزة سامسونج ولكن أتحدث عن ما حدث معي كتجربة شخصية وما سمعته ورأيته من بعض مستخدمي سامسونج
وأتمنى أن تضع سامسونج هذه النقاط في عين الإعتبار وأن تحاول من تطوير نفسها حتى لا تتعرض لخسارات كبيرة
4 التعليقات
MohabMagdy
Active Level 5
👌 أحسنت الله ينور عليك
رد
جارٍ التحميل...
mody79
Active Level 6
ربنا يكرمك أشكرك
رد
جارٍ التحميل...
3MrMoustafa
Active Level 5
انت كده جبت الخلاصه والله
👍👍
رد
جارٍ التحميل...
mody79
Active Level 6
على الله بس تجيب نتيجة
رد
جارٍ التحميل...