Original topic:

سامسونج من مطب لدحديرة

(Topic created on: 05-14-2022 07:17 PM)
119 Views
besh
Active Level 4
Options
جالاكسى S
السلام عليكم و رحمة الله وبركاته
مساء الخير ع الشعب السامسونجي 🌼

هذا المنشور أقرب إلى الفضفضة و اعتقد ان كثير من محبين سامسونج يوافقوني بهذا الكلام 
بصراحة من لما سامسونج اصدروا جهاز الاس 21 و انا مصدومة انهم كيف فكروا يقلدون ابل بخصوص ازالة الشاحن من العلبة و قلت اكيد راح يعقلون و يرجعون لرشدهم وقت اصدار الاس 22 و لكن مافي فايدة بل بالعكس صارت اسعارهم مبالغ فيها جالسين يمشون ع نهج ابل + موضوع الشحن السريع الى الان ما اشوفهم تطوروا فيه انقهر لما اشوف شواحن الشركات الصينية مثل هواوي و ون بلس كلهم شواحنهم فعلا سريعه الجهاز ف نص ساعة يصير فل هذا غير أن نحن نعاني من مشكلة الحرارة من سنين و مافي تطور حقيقي أيضا بهذا الخصوص

انا الان أمتلك الاس 20 بلس و بطبعي كل سنتين ارقي الجوال يعني المفروض اني الان اشتري الاس 22 بس والله انها خيبة امل بسعره الحالي ما يقارب الاربع آلاف و الكرتون فاضي و ما تطور الجهاز كثير يعني صرنا بدل ما نرقي جالسين نرجع لورى يعني شالوا إمكانية زيادة حجم الذاكرة عن طريق تركيب ميموري كارد و هذي حركة جدا سيئة لانها كانت تميز سامسونج عن باقي الشركات... صار نظامهم ان خلينا نتبع القطيع

صرت افكر جديا اشوف لي شركة أخرى غير سامسونج مع اني من محبينها و استخدم جوالاتهم من النوت 2

انتظر ارائكم... 

17 Comments
AhmedALyamani
Expert Level 2
جالاكسى S
المشكله سامسونج محطيه الناس بزاوية ضيقه ياهيه ياايفون باقي أجهزة الاندرويد لا شكل ولا جمال ولا نظام مرتب وحلو يعني مافي شيء تقولي يب هذا هوا الحل البديل
besh
Active Level 4
جالاكسى S
ترى فيه بدائل
مثل البيكسل و هواوي و اوبو بس حتى هم فيهم سلبيات بصراحة يعني ماني لاقية إلى الآن بديل اقول هذا هو الي ادوره بس هذا ما يعني انهم سيئين
RAV9
Active Level 9
جالاكسى S
كلامك منطقي لكن بالنسبة لي ماشوفها اكبر مشاكل سامسونج خاصة انه عندي بكل زاوية شاحن من هواتفي القديمة والذاكرة الداخلية ذاكرتي 512 مستحيل املاها الا بعد سنين
المشكلة الازليه لسامسونج والاندرويد بشكل عام هي ضعف تطبيقات الطرف الثالث من ناحية التصوير حتى التنقل بالتطبيق الايفون افضل بمراحل بحكم ان عندي الجهازيين ودايم اقارن بينها
يعني لو اندرويد يحسن تطبيقاته ويرفع جودتها ابصم لك بالعشرة ابل راح تختفي من الوجود
besh
Active Level 4
جالاكسى S
فعلا كمان هذي نقطة بخصوص التطبيقات مع ان كثير يقولون ان أجهزة بيكسل تبع قوقل تصويرها جدا ممتاز ف السناب و كأنها ايفون ف احس يصير هذا الشي راجع لكل شركة لانك تعرف ان كل شركة لها واجهتها و تعدل ع النظام بما يتناسب معها

بخصوص الشاحن انا اشوف اني طالما دفعت مبلغ ف جوال لازم احصل على كافة ملحقاته سواء كنت امتلكها من اصدار سابق او لا
+ انا و انت نعتبر عملاء سابقين لسامسونج لكن لو يجي شخص حاب يجرب سامسونج و يشتري اجدد جهاز لها الي هوا الاس 22 او حتى الاس 21 بيتفاجئ انه لازم يشتري الشاحن لوحده + ان حتى انا عندي شواحن كثير لكن الاس 22 شاحنه 45 واط و انا ما عندي فهذي هي المشكلة..

بخصوص الذاكرة كلامك صحيح فعلا بس مثلا انا كشخص ابغى اشتري ارخص شي الي هو حجم 128 جيجا لان عندي من زمان ذاكرة خارجيه فالنسبة لي كذا وفرت مبلغ لكن سامسونج باين ان توجهها صار تجاري بحت و جالسين ينافسون الايفون ف هذا الجانب
M0S
Active Level 7
جالاكسى S
الحل نظام فوشيا انتظروه كم سنه وبيتقارن مع نظام ابل بإذن الله لأنه نظام فوشيا مشترك بين قوقل وسامسونج حاليا نظام الأندرويد الحالي لكل الشركات بس تأخذ تعدل فيه شوي الواجهة وبعض الميزات
besh
Active Level 4
جالاكسى S
قد قرأت عنه قبل فترة و نتمنى يصدرونه سريع .. بس ايش وجهة نظرك ان النظام هذا راح يحل المشاكل كلها؟! انا اشوف ان البلاء في سامسونج نفسها مو ف النظام
M0S
Active Level 7
جالاكسى S
لأن نظام اندرويد مو مخصص لشركة وحدة زي ايفون يعني اي شركة تقدر تأخذ اذن من قوقل وتستخدمه عكس نظام اي او اس اللي حصري فقط لأجهزتهم عشان كذا نظام الأندرويد يكون فيه مشاكل لأن حجمه كبير وموجه لفئة كبيرة من الجوالات عكس فوشيا اللي يشتغلوا عليه سامسونج وقوقل يكون حصري فقط لأجهزة سامسونج و قوقل اعتقد المهم ان النظام يسووه على عتاد سامسونج ويعدلوا فيه على راحتهم لأنه من صنعهم عكس اندرويد اللي هو للجميع اتمنى فهمت كلامي
besh
Active Level 4
جالاكسى S
فعلا كلامك صح، الان هواوي صار عندهم نظام خاص فيهم الي هو هارموني انا بصراحة فكرت أحول لهم بما ان جوالاتهم مدعومة عندنا هنا و اسعارهم جيده
لكن العائق موضوع خدمات قوقل اخاف اشتريه و اتورط ما اقدر اعيش بدون يوتيوب و خرائط قوقل 😀
جالاكسى S
أحب سامسونج
لكن لسببين تركتهم وحولت إلى ون بلس
الأول/ السعر المرتفع
الثاني / البطارية وسرعة الشحن
معي جالكسي اس ٧ اشحنه في ساعة وتقريبا ٥ دقائق ومرات ساعة و ١٠ دقائق
وإلى الآن ما فيه تطور في سرعة الشحن
وفي المقابل استهلاك البطارية الكل يشتكي منه
أنا اشتري جوال غالي ولا فيه شاحن واستهلاك الطاقة عالي جدا لازم اسوي سكوت للتطبيقات!
والفريمات جدا ضعيفة في الألعاب ولا فيه شيء مميز إلا واجهة سامسونج فقط
باقي الموصفات من الكيمرا أنا ما اهتم فيها

ارجوا منهم بس يحسنوا المعالج الحرارة واستهلاك الطاقة ويزيدون سرعة الشحن وليس قوة الواط إذا سووها نتقبل السعر اما عيوب مستمرة واستهلاك طاقة وسعر غالي ما يجي