Original topic:

سالفتي مع مركز الصيانة بالرياض😑

(Topic created on: 10-11-2022 12:52 PM)
جيدو
Active Level 5
Options
جالاكسى S

بحكيلكم سالفتي
رحت لفرع الصيانه اللي في شمال الرياض الرسمي ودخلت جوالي بطلب تغيير الشاشه والغطاء الخلفي وقدموا لي عرض تغيير البطاريه مجانا
فوافقت ودفعت المبلغ كاملا قالوا لي جوالك يخلص بعد سبعه ايام عمل طبعا انصدمت انا لانه مو معقوله ياخذ الوقت المهول هذا احنا وصلنا من التطور والهندسه عندنا عال العال لكن اخاك مضطر لا بطل وبعد سبعه ايام رحت استلم جوالي وقدموه لي داخل كرتون على بالهم يعني خدمة خمس نجوم واعطوني ورقه وقع عليها على الاستلام لكن قلت اصبروا ابي اشيك على الجوال الشاشه وتغيرت لكن الغطاء الخلفي ما تغير وشكيت انه حتى البطارية ما غيروها فرفضت اني اوقع وطلبت السوبر فايزر يجي فقالوا لي ما في سوبر فايزر نعم🤪
المهم مالكم بالطويله طلبت استرداد مبلغ الغطاء الخلفي قالوا لي هذي نرفع فيها طلب ولي الان شهر ونص اطارد وراهم وكل شوي يتصلون علي نزل لك المبلغ اقولهم لا
هل وزاره التجاره لها دخل في الموضوع هذا؟

6 Comments
FAISAL474
Active Level 8
جالاكسى S
صلح بلاغ تجاري لوزارة التجاره وهم يفيدونك

https://play.google.com/store/apps/details?id=com.mci.balagh
Not56
Expert Level 5
جالاكسى S
موضوعك ينحل بإذن الله نعم لها دخل وزارة التجارة
وضح لهم المشكله وراح يتصل عليك مركز الخدمة مجبرا😁
اهم شيء لا توقع على اي ورقة
اهم شيء فاتورة الإصلاح هل مذكور فيها تغيير بطارية الخ..
جالاكسى S
بلغ وزارة التجاره وبرجعونه وهم يحبون راسك
0 Likes
Regards
Active Level 10
جالاكسى S
بلغ وتاخذ حقك
انا انصح باي مركز صيانة مو شرط رسمي مشهود له صاحبه بالخبرة يخلص لك كل مشاكلك بأقل سعر وافضل جودة
0 Likes
yaadal
Active Level 7
جالاكسى S
مشاكل صيانة سامسونج كثيره أي مشكله تواجهك ارفع بلاغ على وزارة التجاره ارجوكم يااخوان اللي عنده مشكله يرفع بلاغ لان المشاكل كثرت وسامسونج ماتبي تتعدل.
0 Likes
XmaherZ
Active Level 6
جالاكسى S
صراحه اكثر خدمة عملاء سيئه من تجربتي سامسونج ، وعلى حسب اللي سمعته هواوي تعتبر الافضل وصراحه اتمنى ترجع لسوق بشكل كويس عشان اغير لها ، وبعدين هواوي مستثمره فالسوق السعودي بشكل كبير فأتمنى ترجع لسوق بسرعه