لما نقلت ملفات الاSnote من الاس٦ الى الاس٨ اكتشفت انها انتقلت كصور وليست نص، يعني اقدر افتحها على الاس٨ واشوفها بس مااقدر اعدل عليها او انسخ النص الي فيها لانه يعاملها كصورة.
ما الحل؟ كيف اقدر احولها لنص او اخليه يتعامل معه كملاحظة عادية؟
صراحة واجهتها هالمشكلة قبل كم يوم وحليتها الحمدلله ، المرحلة الاولى - تفتح القائمة الجانبية >علامة الاعدادات> تفعل ثاني خيار اللي هو الاختيار الذكي .
المرحلة الثانية - تروح للصورة اللي تبيها ثم - تفتح القائمة الجانبية > تلف يمين عشان تطلع لك صفحة الاختيار الذكي > تضغط على اول شي اللي هي دايرة زرقه داخلها مربع > اذا ضغطت عليها يحولك الى الصورة ويطلع لك مربع يمديك تحركه ، حاول تكبر وتصغر المربع بحيث يكون الكلمات اللي داخل الصورة حقتك تكون داخل المربع > ثم تضغط تم > اول ما تضغط تم راح يطلع لك كلمة فوق المربع اضغطها ، والباقي عليك واعذرني على الاطالة واعذرني على القصور
الله يعطيك العافية ♡ ماقصرت ابد وشكرا كثير على الحل ضبط 👍
لكن الله يعينني لازم اسويها على كل ملاحظة على حدة خصوصا ان ملاحظاتي كثيرة ، كنت اتمنى لو انهم حاطين خيار تلقائي ينسخ جميع الملاحظات من الجوال القديم الي الجديد بنفس الصيغة وبدون تغيير .. خصوصا اني قاعد انتقل من جوال سامسونج لسامسونج يعني حتى مو لجوال اندرويد اخر ناهيك عن ايفون.
