خدش بسيط في شاشه ال S24ultra

[박리사]

السلام عليكم...

انا كنت مركبه شاشه حمايه هامر للهاتف والشخص الي ركبهالي ركبها غلط ووقعها كمان بس قالي متقلقيش محصلش حاجه 

والمفروض ان هم كاتبين ان لو اتركبت غلط او دخل فيها تراب أثناء التركيب مش هتحمي الشاشه الاصليه 

وده بالفعل الي حصل مكنش في اي كسر باين لحد بعديها بس أيام لما لقيت فقاعه تراب فأضرت اشيل السكرين بتاعت الحمايه لقيت الموبايل بالفعل مخدوش

والان انا بتواصل مع شركه Hammer واطلب بتعويض منهم 

يا ريت محدش يشتري منهم تاني

بسبب عدم ماهره الموظفين في التركيب ده غير انه الموظف فضل يوقع الموبايل كذا مره أثناء تركيب شاشة الحمايه ......

دلوقتي أنا مش عارفه اعمل ايه 

الجهاز شغال والألوان كلها واضحه بس الخدش ده مزعج 

وطبعا علشان أغير الشاشه لازم تتغير كامله وهتكلف 16ألف و ١٥٠ 

يا ريت لو حد يعرف حل يبلغني 

وشكرا 

[FaresMohamedKelany]

للأسف شركة هامر من الشركات النصابة ولا حماية ولا بتاع و ناس كتير إشتكت منهم ده غير إنه بيقلك إنها ضد الكسر متفرحيش بإنها ضد الكسر لإنها لو خدت وقعة حتسمع في الجهاز و حتنقل أسر الوقعة للجهاز لاكن لو بتتكسر الإسكرينة هي إلي حتاخد الصدمة و مش حتأثر في الجهاز و لو إدوكي تعويض حيكون أخرهم 4000 أو 5000 جنيه و ده لو إدوكي أصلا الله يعوض عليكي و ده فيديو لواحد بيشتكي من إسكرينة هامر
https://youtube.com/shorts/Viod3kkK9SI?si=VInELcKJDkNqvPm0

[박리사]

للأسف انا سألت في فرع سامسونج وقالولي ان دي أقوى سكرين في مصر وان هما كمان بيبيعوها في فرعهم فده الي خلاني أصدق وأروح اركبها

[FaresMohamedKelany]

كدابين
في بعض توكيلات سامسونج في مصر نصابين و بعدين إزاي بيبيعوها في الفرع و شركة سامسونج نفسها عاملة إسكرينات
في إسكرينات مستوردة بنص تمنها و أفضل منها بمليون مره

[박리사]

يا لهوي ، ده انا قسط الموبايل وأخذوا مني فلوس زياده عن سعر الموبايل كاش ولما قولتله البنك مش بيأخذ فؤاد على التقسيط قالي لا دي مصاريف إداريه 😥😥😥

[FaresMohamedKelany]

مش التوكيل بس برضوا في متاجر مشهورة علي مستوي مصر و بتعمل الحركة دي حسبي الله ونعم الوكيل فيهم

[박리사]

يعني ايه مش التوكيل ؟
قصد حضرتك أن ده مش سامسونج الاصلي؟

[FaresMohamedKelany]

لا حضرتك أنا أقصد إن في محلات غير التوكيل بتعمل نفس الكلام

[박리사]

تمام شكرا لحضرتك جدا على التوضيح

[FaresMohamedKelany]

الشكر لله، تحت امرك في اي وقت