انتشرت أخبار عن اقتراب إتاحة هذه الخدمة في مصر فحبيت أشارك معاكم معلومات هامة لان في ناس كتيرة بتسأل اذا كان الجهاز بتاعها بيدعمها ولا لاء.
عشان الخدمة نشتغل عندك في شرطين لازم يتحققوا ..خاللي بالك لازم الشرطين ..واحد منهم بس غير كافي
١. شركة الاتصالات تكون بتدعم الخدمة و مفعلها للشريحة بتاعتك.
٢. الهاتف يكون بيدعم الخدمة لشركة الاتصالات بتاعتك ..ازاي يعني ؟؟؟
شرح النقطة رقم ٢ بالتفصيل على هواتف سامسونج
لازم سامسونج تبقى عاملة اتفاقية مع مزود الاتصالات بتاعك و بالتالي تبعت سوفت وير للمستخدمين عشان تفعل الخاصية دي.
يعني مثلا انت مش شايف الخاصية متفعله عندك..بس لو سافرت مثلا السعودية وحطيت شريحة stc في نفس موبايلك هتلاقي أيقونة الخاصية ظهرت عندك زي الصورة المرفقة
وبالتالي النقطة اللي احنا منتظرينها يا جماعة ان سامسونج تبدأ تبعت سوفت وير ابديت للشرائح المصرية..مش عارف هتبعت لكل الشركات الاربعة مرة واحدة ولا ايه ..بس طول ما الأيقونة مش ظاهرة عندك متتعبش نفسك . اول اما تظهر لك ابدأ بقى كلم شركة الاتصالات بتاعتك عشان يفعلوها لك.
ملحوظة هذا البوست بتاريخ ٢١ سبتمبر ٢٠٢٤
ثانيا بعض شركات الهوتف زي أبل بتبقى مفعله الخاصية عندها في انتظار شركة الاتصالات لتفعيلها للمشترك.
تحديث يوم ٤ ديسمبر
تحديث نوفمبر نزل يوم ٤ ديسمبر ٢٠٢٤ لهاتف
S22 ULTRA
ظهرت علامة الواي فاي كولينج لشريحة( وي) فقط
ولم تظهر لفودافون
تحديث نوفمبر نزل يوم ٤ ديسمبر ٢٠٢٤ لهاتف
S22 ULTRA
ظهرت علامة الواي فاي كولينج لشريحة( وي) فقط
ولم تظهر لفودافون
