حملة الاتصال بخدمة عملاء الشبكات لكل من يمتلك هاتف samsung m31

[sniperm1]

لكل من يمتلك هاتف samsung m31 

ارجوا الاتصال بخدمة العملاء الخاصه بالخط المشغل بالهاتف لدعمه بأضافة ميزة wifi calling لجودة المكالمات

[Sailor80]

كلمتهم كتير ومفيش فايده

[JeraldEII]

مهما تتصل محدش هيعملك حاجه كدا كدا الشركات بتبقي بتتابع مع سامسونج ف اتصالك ليهم مش هيسرع الكلام دا مش هيروحو يضيفوه بنفسهم 😂

[sniperm1]

طب يعني المشكله مع سامسونج ايه الفكره ان سامسونج تخلي حامل الهاتف يحبط ويقول لنفسه ان لو الشركه بتفكر ماتنزلش الخاصيه دي عشان اشتري تليفون جديد من عندهم يكون فيها الخاصيه ما ممكن اغير رأيي واتجه لشركة اوبو !

[JeraldEII]

لا انا كلامي هنا ان شركات الاتصالات لسه بتتابع مع سامسونج علشان ينزل ال
Configuration
علي الموبايل ف ممكن جهازك بيدعم بس لسه منزلش بس كدا كدا لو كلمت شركه الاتصالات مش هتعملك حاجه دا قصدي اصبر شويه بس الخدمه بتنزل علي جهاز جهاز مش كله مره واحده

[sniperm1]

اصل انا كلمت سامسونج خدمة العملاء ما شاء الله احبطتني ولا في تحديث جديد نازل ليها وبتقول الهاتف مش مدعوم عليه الخاصيه فأنا كعميل اتبسط من كلامها اوي انها احبطتني يعني ارمي التليفون

[ميدو7777]

انا كذلك كلمتهم وفونى a34
قالولى مش بيدعم الخاصيه

[sniperm1]

هو ازاي يقولوا كده وفي فيديوهات تثبت على اليوتيوب انها تدعم ليه يقولولنا مش بيدعم!!؟

[sniperm1]

مع ان بشوف فيديوهات ظاهر عليها الخاصيه نفس النوع

[Sailor80]

القصه في شبكات المحمول مش سامسونج عشان انا عندي خط اورنج شغال عادي