Original topic:

حل مشكلة صرف البطارية لجوالات سامسونج بشكل عام

(Topic created on: 08-06-2022 06:12 AM)
611 Views
yaadal
Active Level 7
Options
جالاكسى S
السلام عليكم ورحمة الله وبركاته 

الموضوع هذا مكرر كثير ولكن بركز فيه على أكثر أسباب لصرف البطارية أشياء محد يركز عليها او ماينتبه عليها 

١-المزامنه

ضروري تتأكد من أن المزامنه مغلقه ولاتعمل في الخلفية 
مزامنة جوجل ومزامنة سامسونج أي مزامنه أغلقها.

٢-التطبيقات في الخلفيه 

ضروري تحط التطبيقات الغير مستخدمه والغير مهمه في وضع السكون العميق ماعدا تطبيقات التواصل الاجتماعي لانها مهمه ومهم توصلك الاشعارات في وقتها.

٣-الإشعارات 

أغلق الاشعارات عن البرامج الغير مهمه مثلا المتاجر الالكترونيه لانها ترسل اشعارات كثير فهالشي راح يزيد من صرف الطاقه.

٤-ضعف الشبكه 

هذا السبب أكثر سبب مخفي عن الناس ضعف الشبكه يسبب صرف للطاقه وخلي فبالك كل ماكنت فمنطقه ضعيف فيها وصول الشبكه راح تشوف استنزاف كبير في الطاقه.

٥-الحراره 

استخدامك للجهاز وهو حار سبب قوي لصرف الطاقه تاكد دايم ان جهازك تكون درجة حرارته طبيعيه.

٦-التشخيص وارسال البيانات 

لابد انك تتاكد انك مغلق هذا الخيار لان هالخيار راح يرسل بيانات بشكل مستمر لاي خطا او مشكله تواجهك وعملية الارسال راح تصرف كثير من الطاقه فتاكد انها مغلقه.

هذي اسباب ارى انها اكثر اسباب محد مركز عليها واتمنى افدتكم.

وشكرا

22 Comments
hamoudar
Active Level 10
جالاكسى S
بس مكتوب يحسن ؟؟؟Screenshot_٢٠٢٢٠٨٠٦-٢٣٥٩١٢_Google Play services_59495_1659819552.jpg
0 Likes
yaadal
Active Level 7
جالاكسى S
غير صحيح ارسال البيانات يستنزف البطاريه جرب وخذ راحتك ياحبيبي.
0 Likes
yaadal
Active Level 7
جالاكسى S
حسب بحثك ولا حسب تجربتك؟ الموضوع يفرق جرب واحكم شكرا لك.
0 Likes