حل مشكلة صرف البطارية لجوالات سامسونج بشكل عام

[yaadal]

السلام عليكم ورحمة الله وبركاته 

الموضوع هذا مكرر كثير ولكن بركز فيه على أكثر أسباب لصرف البطارية أشياء محد يركز عليها او ماينتبه عليها 

١-المزامنه

ضروري تتأكد من أن المزامنه مغلقه ولاتعمل في الخلفية 

مزامنة جوجل ومزامنة سامسونج أي مزامنه أغلقها.

٢-التطبيقات في الخلفيه 

ضروري تحط التطبيقات الغير مستخدمه والغير مهمه في وضع السكون العميق ماعدا تطبيقات التواصل الاجتماعي لانها مهمه ومهم توصلك الاشعارات في وقتها.

٣-الإشعارات 

أغلق الاشعارات عن البرامج الغير مهمه مثلا المتاجر الالكترونيه لانها ترسل اشعارات كثير فهالشي راح يزيد من صرف الطاقه.

٤-ضعف الشبكه 

هذا السبب أكثر سبب مخفي عن الناس ضعف الشبكه يسبب صرف للطاقه وخلي فبالك كل ماكنت فمنطقه ضعيف فيها وصول الشبكه راح تشوف استنزاف كبير في الطاقه.

٥-الحراره 

استخدامك للجهاز وهو حار سبب قوي لصرف الطاقه تاكد دايم ان جهازك تكون درجة حرارته طبيعيه.

٦-التشخيص وارسال البيانات 

لابد انك تتاكد انك مغلق هذا الخيار لان هالخيار راح يرسل بيانات بشكل مستمر لاي خطا او مشكله تواجهك وعملية الارسال راح تصرف كثير من الطاقه فتاكد انها مغلقه.

هذي اسباب ارى انها اكثر اسباب محد مركز عليها واتمنى افدتكم.

وشكرا

[〆almutairi〆]

بيجيك واحد يقولك المزامنه حسب بحثي مالها دخل عطه على جوه 😁
شكرا ع المنشور 🌹

[ahmadalis20]

كل واحد يتكلم عن تجربته،، أما كون ان الناس يجاملونك مثل مايجاملون الأطفال تجنباً للبكاء فهذا لايغير من الحقيقة شيء.

[yaadal]

الله يعطيك العافيه يامطيري على ردك الجميل طبعاً في ناس تنقصهم الخبره وللأسف مااعطوا نفسهم وقت عشان يجربوا ويقيموا.

[mohibsh]

ههههه على كذا اشتري لي جوالي ابو كشاف مع العلم مستخدم توت واذا كنت ناوي اغير الى نوت الجديد بعد كلامك هونت المفروض الشركه تبذل جهد كبير علشان تحلها مو اتجه اني اخلي جوالي ابو كشاف

[ahmadalis20]

إذا معك نوت ١٠+ وطالع أو s20 وطالع ماعندك سبب واحد حقيقي يخليك تغير جهازك!
الجوالات آخر كم سنة أصبحت مملة ومستنسخة وبطيئة التطور

[yaadal]

هذي اسباب صرف للطاقه وحلولها من ناحية تجربه وهذي الحلول مجربه على جميع جوالات الاندرويد وللاسف مافي جوال كامل شي طبيعي.

[تركي٢٠٢٢]

الصراحة وش الفايدة اشتري جوال بمبلغ ٥٠٠٠ الف او ٦٠٠٠ واقفل التطبيقات وافتح هذا خلاص اشتري جوال رخيص ١٠٠٠ ريال واستمتع واوفر لنفسي ٤٠٠٠ ريال واخلي كل شيئ شغال

[ahmadalis20]

يارجل،، بعض الأعضاء يقترح اقتراحات غريبة لحل مشكلة صرف الطاقة في أجهزة سامسونج، ولو يشد حيله شوي قال لك لاتستخدم الجوال 😅😅
المشكلة في أجهزة سامسونج قديمة وهي ضعيفة من ناحية البطارية سابقا بسبب المعالجات مرفوعة الضبط + واجهة سامسونج،، الآن بسبب تطور الهارد وير بوتيرة أسرع من تطور البطاريات + واجهة سامسونج الأخيرة 4.0+ مع أندرويد ١٢ أكثر استهلاك للطاقة

[yaadal]

مو اقتراحات غريبه هذي الحلول استخدمتها فكل جوالاتي الاندرويد ومن ناحية تجربه مفيده جدا اذا عتبك ع الشركات هذي مو مشكلتي انا هنا طرحت حلول شكرا لك.