جهازي الترا 22 S وجديد بس عندي مشكلة فيه من ثاني أسبوع إستخدام وهي إذا تنقلت من مكان لآخر بالسيارة تخرب عندي السماعات ويظهر فيها تشويش وإذا سويت مكالمة يكون الصوت ضعيف مرة وإذا حطيت سبيكر يكون فيه تشويش على الصوت مقاطع الفيديو يكون الصوت فيه تشويش رهيب ...مع العلم إن الجهاز ما تعرض للسقوط أو الغرق .تكفون اللي عنده حل لايبخل علي ..لأني رحت لمحلات الصيانة ونضفوا السماعات وحاولوا بس ماعرفوا المشكلة ..وأعتقد إنها مشكلة برمجية بس ما أدري وش هي
بعض الأحيان يكون السبب المكالمات عبر الواي فاي أو VOLTE في الضبط - الإتصالات - شبكة الهواتف المحمولة جرب تقفل الخيار وجرب تتصل عشان تعرف مصدر الخلل من وين
استخدم سماعه اذن سلكيه او بالبلوتوث واذا اختفت المشكله فالغالب بتكون من سماعات الجوال لان المشكله تظهر أيضاً عند مشاهده مقاطع الفيديو عند وضوح الخلل الافضل توديه لاقرب مركز صيانة معتمد لسامسونج
هلا اخوي أبو ناصر. صح معك حق صرت إذا بأطلع آخذ معي السماعات لأنها صارت الحل الأنسب وأستخدم السماعات لين يرجع الصوت طبيعي وهو تقريبا ياخذ من نص ساعة لساعتين حتى يرجع طبيعي . شكرا لك على مرورك وعلى نصيحتك لاهنت
حياك الله ايه والله باقي المشكلة موجودة والأخوان نصحوني نفس نصيحتك لاهنتو جميعا . بس بحكم بعد المسافة بيني وبين أقرب محل صيانة باقي ما رحت لهم . وإذا رحت إن شاء الله بعلمكم وش كان الخلل لأجل تفيدون اي أحد تصير معه نفس المشكلة تحياتي لك ومشكور على النصيحة
