تفعيل تسجيل المكالمات

[spectre404]

سلام عليكم يا شباب
- معلش اخوكم بقاله سنين مش معاه سامسونج
هو S23 Ultra مش بيسجل مكالمات ؟
- و ايه افضل سكرينه اجيبها ليه عشان مش لاقي غير ال super glue اللي بتلزق بال UV و خايف تعملى مشكله لو اضطريت تشيلها بعدين.

- ازاي اظبط الوقت تلقائى بتوقيت مصر عشان ظبط الوقت يدوى عاملى مشكله.

[DrElzayat]

بيسجل بس على حسب الجهاز جاي منين (نوع السوفت وير) مثلا لو مصري هتلاقي فيه لو امراتي مش هتلابي بيه بيبقى على حسب سياسه تسجيل المكالمات في الدولة الي جاي منها
هو جوريلا جلاس الي عليه قوي وصعب يتخدش او يتكسر بالنسبه لنوع السكرينه فمعيش تجربه سابقه فمقدرش افيد حضرتك
بالنسبه للوقت
حضرتك خش على
About phone> software information > Google play systems update
واعمل الابديت الي موجود لغايه ميقولك مبقاش فيه ابديت

[spectre404]

جزاك الله خيرا، انا كله تمام بالنسبالى بس لاقيت فيديو بيحول ال CSC للجهاز كأنه ف مصر
تفتكر ده هيعملى مشكله لو عملته ؟

[DrElzayat]

لاء عادي بس الجهاز لو في ضمان تبع سامسونج هيتلغي والملفات الي على الجهاز هيتمسح بس حضرتك اما تحمل الملفات حملها من موقع مضمون زي sammobile مثلا

[Samsung Admin]

spectre404

مساء الخير يا فندم مع مهاد من سامسونج مصر

بنشكرك جدا على طرح سؤالك وبنتمنى لحضرتك يوم سعيد

بناءا على سؤالك

برجاء اتباع الخطوات الاتية بخصوص تسجيل المكالمات

اذا الجهاز من مصر يمكنك تفعيل خاصية تسجيل المكالمات

فتح السجل ثم الضغط علي علامة الثلاث نقاط ثم الضغط علي الضبط ثم الضغط علي تسجيل المكالمات ثم تفعيل الخاصية

ان لم توجد تسجيل المكالمات يرجى اعادة ضبط المصنع للجهاز.

الضبط ← الإدارة العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch

http://www.samsung.com/eg/support/smartswitch/

اذا الجهاز من خارج مصر يرجي التوجه لفرع الصيانة لفحص السوفت وير وتوضيح اذا متاح ولا لايمكنك أن ترسل إلينا مدينتك ومنطقتك السكنية لإرسال أقرب مركز خدمة إليك أو يمكنك اتباع الرابط أدناه للعثور على أقرب مركز:

http://www.samsung.com/eg/support/servicelocation/

بخصوص مشكلة الاسكرين برجاء التواصل مع المبيعات لمعرفة افضل اسكرين للجهاز و السعر الخاص بها

يمكنك معرفة اقرب فرع من خلال الرابط التالى

http://www.samsung.com/eg/storelocator

بخصوص الوقت برجاء اتباع الاتى

التأكد ان الجهاز متحدث علي اخر نسخه سوفت وير متاحه.
التأكد من تحديث نظام Google play عن طريق الخطوات التاليه:
اختار الضبط
اختار حول الهاتف
اختار معلومات البرنامج
اختار تحديث نظام Google play
قم بتنزيل التحديث ان وجد لابد ان يكون اخر تحديث الى الهاتف هو 1 ابريل 2023
فى حال استمرار المشكلة برجاء اتباع الاتى
الضبط – الادارة العامة -الوقت و التاريخ – اختيار المجال الزمنى او select time zone - الثلاث نقاط – اختيار GMT+03:00 مع العلم ان هذا الحل هو حل مؤقت لحين وصول تحديث الى الهاتف لحل المشكلة

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك  

[spectre404]

بحاول اشوف اى Accessories للجهاز من منافذ البيع ليكم بس كلها غير متاحه للأسف

[elhawary]

بالنسبه لتسجيل المكالمات نسخ اصدار الامارات او الخليج مش فيها تسجيل المكالمات
اما النسخ اصدار مصر فيها تسجيل المكالمات
ولو جهازك مش فيه تسجيل المكالمات ورقم الاصدار S918B تقدر تفعيل تسجيل المكالمات عن طريق اداة samfw tool
اما الاسكرينات فافضلهم ال uv انا جايبها من الصين ولو انت قريب من كفر الشيخ اركبهالك بنفسي
اما ضبط التوقيت الصيفي
فروح للضبط ثم حول الهاتف ثم معلومات البرنامج ثم تحديث نظام google play
وحدثه واختار اعادة تشغيل وارجع شيك تاني على تحديثات لحد ما تكتمل كل التحديثات وهتلاقيه اتظبط تلقائي
ولو حاجه وقفت معاك ممكن تكلمني خاص

[spectre404]

متشكر جدا انا فعلا فعلت التول دى على جهازي بس مش عارف هيواجهني مشاكل و الا لا يعني اولهم قالى مش هينفع تستخدم Samsung Pay تاني ف هل في حاجات تانيه هتعملى مشكله بسببها !؟

[elhawary]

ايوه طبعا لان سامسونج باي مش شغال في مصر
لكن كتحديثات وسيستم
امورك كلها تمام

[spectre404]

تصدق و الله انا مبسوط جدا باني بكتب مشكله و حد بيرد عليا 😂
دانا مجربتش الموضوع ده من ايام samsung J7