تفعيل الوايفاي كولينج علي اس ٢٤ الترا

[minside]

متفعله تمام معايا علي شريحه فودافون و اورانج لكن الاوبشن في الأعدادات مش موجود و الشركتين نفس الرد احنا مفعلين الخدمه من طرفنا علي الخط المشكله عند الوكيل الرسمي لموبايلك حاول تنزل اخر تحديث للموبايل 

مع العلم انه لسه نازل انهارده تحديث امني و مفيش اي جديد

ملحوظه تانيه الاس ٢٤ الترا بتاعي من الامرات و شكيت ان ده ممكن يكون سبب لكن موبايل ابني اس ٢٣اف ايه توكيل و ضمان محلي و نفس الحوار

ملحوظه تالته وي الوحيده اللي الاوبشن ظاهر في الأعدادات حتي من قبل تشغيل الخدمه رسمي من شهور بس في مشكله تانيه ان الخط مابيربطش volte فا الخدمه مش شغاله بردو

ياريت سامسونج تعرفنا المشكله دي منين لان اجماع شركات الاتصلات علي انهم مشغلين الخدمه والمشكله عند سامسونج

[tamim2022]

ملهاش تحديث اصلا
القصة ان بعض الشركات بتاعة الاتصالات بتبعت رسالة تحديث لشريحة الفون لإضافة الخدمة مش اكتر وناس تانية وصلتلها الخدمة واشتغلت من غير حاجة خالص .

[youseftamam]

بص

[tamim2022]

ايوة عارف قصدك والله ولكن ده مالوش علاقة بالتحديثات كلها كام يوم هتلاقيها اشتغلت وممكن تعمل وضع الطيران وترجع تشغل الفون او تعمله ريستارت تلاقيها ظهرت

[cgxv]

يا جماعه في تحديث بينزل بالتعاون بين سامسونج وبين شركات الاتصالات في مصر طبعا الشركات اللي هتفعل الخاصيه بمجرد هو نزل دلوقتي مع وي بالتعاون معويه فاضل فودافون واورنج كمان اتصالات انا ما اعرفش اتصالات نازل خلاص لجميع هواتف سامسونج الجديده وفي ابديت ثاني هينزل من سامسونج لحل مشكلات الواي فاي كولينج ودي منها ان انت لما تيجي تفعل خاصيه ما بتظهرش علامه الفولت جنب الشريحه وكمان يعني الموبايل لما بتيجي تعمل وضع طيران ما بيشتغلش معاك الواي فاي فدي بعض المشاكل سامسونج قالت ان هي هتحلها بتحديث هتنزله لجميع اجهزتها لكن ما حددتش امتى هينزل ولا يعني

[Ahmed2688]

بالنسبة لحضرتك في كلام انا عرفته بينفي كلامك زي ان الجهاز القومي لتنظيم الاتصالات فرض قيد على موضوع تشغيل مكالمات الواي فاي عند تفعيل وضع الطيران ومنعها فدى ملهاش علاقة بسامسونج نهائي

[Ahmed2688]

وبرضو فكرة ان شركة زي وي تتفعل وباقي الشركات لأ دي ليها علاقة بسيرفرات و gateway, بتاعت الشبكات برضو ملهاش علاقة بسامسونج نهائي

[Ahmed2688]

وكون ان موظف من شركة سامسونج قالك كدا فده موظف مش فاهم او دي تعليمات جاتله لكن ملهاش اي اساس من الصحة

[cgxv]

لا للاسف ما فيش اي قيود انفردت من الجهاز القومي لتنظيم الاتصالات على تشغيل الخدمه انت اصلا بيبقى عندك اختيار في السيتنجز بيبقى ان انت تخلي يا المكالمات الموبايل لو احنا مثلا عندك واي فاي يشتغل على واي فاي يا اما يشتغل عديتها فانت كده كده بتخليه لكن بالنسبه لقصه الموبايل لما تعملوه ده طيران واي فاي كولينج ما تشتغلش يبقى دي مشكله في الخاصيه سامسونج نفسها هي اللي قالت ان في تحديث هينزل من خلالهم لحل جميع مشاكل الواي فاي شكل رسمي من خلاله

[cgxv]

بعدين انا وهم كمان وب وكل شركات الاتصالات وضحوا ان في تحديثات هتنزل من خلاله ومن خلال سامسونج وبعدين بيبقى في تعاقدات بتتم بعد لضمان استقرار الخدمه وطبعا ما بيكونش فيها اي مشاكل بعد دوت

[cgxv]

وانا ما يخصنيش انا اللي يخصني انا اي حد يسال انا بقول له الكلام دوت لان ده الرسمي يعني انت معلش ولا انت ولا انا هنبقى قادره من الشركات المصنعه بمجالهم فاهمني هم لما بيقولوا حاجه لازم احنا نبلغ بيها كانت صح بقى كده غلط ما يخصناش