تغيير السى اس سى لهاتف اس ٢٤ الترا لاتاحه خاصيه واى فاى كولنج

[Amrralli]

الرجاء التأكيد والتوضيح هل تغيير ال csc السعودى لهاتف اس ٢٤ الترا ضمان دولى لاتاحه خاصيه الواى فاى كولنج اللى مش ظاهره فى الاعدادات اصلا هو الحل الوحيد لحل المشكله ؟ وهل يؤدى لتعطيل التحديثات للهاتف فيما بعد لو اتغير لمصر ؟ وهل هناك حل افضل وهتنزل فى تحديث قريب ولا لا؟

[Amrralli]

كلامك صح انا غيرت ال csc بالفعل وظهر تسجيل المكالمات بس الواى فول كولينج برضه مظهرتش وده يدل ان موضوع ابديت سوفتوير او شبكه مش دوله التليفون

[Amrralli]

معلش تصحيحا للمعلومه غيرت ال csc من السعوديه لمصر والتحديث للواى فاى كوليتج جالى واشتغل ... طلع فعلا لازم تعمل كده ف الدولى مش موضوع سوفتوير او اورانج ...اتمنى مياثرش على التحديثات

[tamim2022]

طب والناس اللي مغيرتش ووصلت عندهم الخدمة واشتغلت نقول ايه فيهم؟؟
اولا كويس انها وصلتلك بس هي كدة كدة كانت هتوصلك بس في وقت معين هتاخد وقت يعني.
وهي والله ما ليها علاقة بالكلام ده ده كله حضرتك احنا لما بنسافر برة كل الخدنات بتشتغل مش بتحتاج اننا نغير حاجة الفون زي ما هو وبنسافر وبنروح كذا بلد والخدمات شغالة .
ده لان القصة ملهاش اي علاقة حضرتك بتغيير الكلام ده الا في حالة الخدمات المحظورة فقط.

[Amrralli]

اللى مش واضح لحضرتك انها فعلا كانت محظوره عندى لان موبايلى ضمانه دولى شعودى وفعلا ف اعدادات السوفت كان معموله لوك وقواعد تنظيميه على شبكه سعوديه ... فلولا الخطوه اللى عملتها مكنش هيفك حظر الشبكه ده ولو نزل ١٠ ابديت لانه موقوفه بحكم الشبكه مش سوفت ولا مسأله وقت زى ما حضرتك قلت ... انا عارف انها متفعله بره زى خدمات كتير بس عامه اى حد عنده مشكله الدولى دى انصحه يعمل الخطوه دى لانى مكملتش نص ساعه وجالى رساله تغيير اعدادات الشبكه

[tamim2022]

لا حضرتك فيه فرق بين محظور وبين مقيد .
محظور زي تسجيل المكالمات في بلد معين وتدخل ع التطبيقات المخفية مش بتلاقيها.
ومقيد يعني الجهاز مدعوم بالخاصية ومقيد من الدولة اللي انت فيها لحد ما تفعلها زي الواي فاي كولينج كدة فيه فرق كبير بين الاتنين.
حضرتك كل الفونات بلا استثناء دولي وغير دولي الخاصية موجودة فيها بس مقيدة ملهاش علاقة سعودي وغير سعودي.
حضرتك كل الفونات في مصر اصلا ضمان دولي الا قليل جدا اللي بيشتري بضمان محلي خاصة قبل قرار الضرايب .

[tamim2022]

حضرتك ناس فونتها اماراتي وشرق اسيا والخدمة اشتغلت عندهم من غير ما يعملوا اي حاجة نهائي والناس موجودة ع الجروب .
وناس فونتها سوفت ياباني واشتغلت عادي .

[Amrralli]

يلا المهم ان تغير الدوله نفع معايا وكل حاله باختلاف ظروفها .. الحمد لله وشكرا لمشورتك

[tamim2022]

تحياتي ليك وليا الشرف في النقاش معاك🙏

[cgxv]

بص الحل ان انت تحط شريحه وي اللي هي 015 ديت في موبايلك هي المسؤوله عن اظهار الخاصيه ما تقوليش ازاي تمام هي بمجرد ما تحطها الخاصيه هتظهر لك هتفعلها وبس يعني وبس كده وتشيلها ثاني

[dolaaaa]

ده حصل فعلا ، حطيت we اشتغل عادي