المميزات: تحسين الكاميرات الخلفية ، انخفاض ملحوظ فى سخونة الهاتف ، تحسين بسيط فى سرعة شحن الهاتف ، تحسين بسيط جدا(لايذكر) لبصمة اليد، تحسين بسيط غير ملحوظ فى جودة الصوت
العيوب : الكاميرا الامامية اصبحت اقل جودة والالوان بهتانة (بخلاف التحديث السابق اللى خلى الكاميرا الامامية جيدة جدا) ، البطارية بقت بتخلص بسرعة كبيرة جدا( وانا بكتب الكلام ده نزلت ٣ % ) ، شبكة الواى فاى اصبحت غير مستقرة ، الصوت ( سماعة الفون نفسه ) اصبح اقل انخفاضا عن ذى قبل ، طبع الغاء خاصية mirror link
دى الحاجات اللى لاحظت فيها تغيير ولو فى حاجة تانى ظهرت سواء جيدة او سيئة ان شاء الله هقولكم عليها.
الخلاصة : لو مهتم جدا جدا بالكاميرا الخلفية حدث ولو لا يبقى الافضل انك ما تحدث علشان العيوب اللى ذكرتها
انا عملت التحديث بس حاسة ان الصوت مفيهوش اي تحسن....انا مستغربة يكون فون غالي كده و صوته للاسف مش احسن حاجة و صوت السماعة تحسه مسرسع شوية...أحسن كده ازاي حد يعرف برامج معينة و للا ايه الحل للابديت العجيب اللي نزل ده !!!! انا حاسة ان الصوت الخارجي بقى اوطى....اللي هو انا كده ممكن اتشل...و البصمة سيئة زي ما هيا....برضه
فعلا كلامك صح👍, وقولت بردو فى البوست ان التحسين غير ملحوظ ، وكذلك البصمة اللى مش هتتحسن بأى تحديث لانها عبارة عن كاميرا مش ماسح ليزر زى اللى فى s10 plus ، وفيه برامج على المتجر للتحسين بس مش بفضل الحاجات الخارجية الا لو كانت من سامسونج او جوجل نفسه، وبعد الشر عليك من اى شر وان شاء الله تجيب اللى احسن منه 🥰
EQUALIZER FX / Neutralizer / التعادل وباس الداعم وده متنزل اكثر من ١٠ مليون مرة على المتجر وممكن حضرتك تعملي بحث على جوجل واليوتيوب وتشوفي ايه الافضل ، عن نفسي بستخدم تطبيق الموسيقى من سامسونج وsound assistant وده بردو تبع سامسونج واحيانا موسيقى play تبع جوجل، وطبعا بعدل الاعدادات على حسب اللى بشغله
