بطارية ال s23 ultra

[faisal0987]

السلام عليكم عندي بطارية الجهاز اذا وصلت احيانا 20 او 10 اقل اكثر يطفأ الجهاز بشكل مفاجئ و ما يشتغل واذا رجعت اشحنه يبدأ من 0 ولا كأن كان شحنه قبل ما يطفا 20 وش الحل وش المشكلة اراءكم 

[crazyhamburger1]

غير البطارية في اقرب مركز معتمد لسامسونق لان لو ما سويت كذا راح يصير الوضع عجيب

[faisal0987]

!!!😂😂 عجيب اكثر من كذا

طيب لازم ادفع ولا لا لان باقي على ضمان الجهاز ؟

[crazyhamburger1]

لا اكيد دام فيه ضمان على الجهاز راح يشمله باذن الله

[FI_Naif]

لتغير لا ... هيا كذا عند الكل مو بس انت الأوبتمايز تعبان شوي ف سامسونج 😊

[faisal0987]

!والله صدق ؟

فعلا انا ترا صارتلي بعد اخر تحديث بالضبط وش قرأت شيء عنها او هل يوجد خبر منتشر اقراه ابي اتطمن لهذا الراي حقيقة ابي اضطر ادفع

[FI_Naif]

اي اي انا قبل شهر شاري ٢٣ الترا نفس الحاله ترى

[HIkfair]

انا ويا التحديث الاخير صارت عندي نفس المشكلة كان شحن الجوال 15 وفجأه طفى بدون ما استخدمه، سويت له فورمات وضبط نوعاً ما
بشكل عام بطاريات جوالات سامسونق من 15 بالمئة وتحت تصير خايسة وهذا شي اكتشفته من خلال استخدام العديد من جوالاتهم

[kmolass]

شباب اخر تحديث جاكم ايش؟
S23 ultra

[أبوسرور١٢٢]

آخر تحديث أمني شهر ٨ أغسطس 2024 موجود حاليا

لما تدخل الإعدادات تلاقي آخر رقم البناء 

XG8

وصل تحديث 6.1 مبنى على 6.1.1 برمز XH8

 

 بحجم ٢.٣ قيقا يوم الإثنين لكن سحبوه بعد يومين بسبب لمشاكل في التقريب الرقمي للكاميرا وتحديث التطبيقات لو ما حدثت قبل سحبه ما بيطلع لك في الأعدادات 

لما يحلوا المشكلة بيرجع ينزلوا التحديث بداية شهر ١٠