سامسونج في اوائل سنة ٢٠١٧ نزلت تليفون
Samsung Galaxy s8
واللي كان طفرة عن الجيل اللي قبله ... مش بس كده ده أجبرت بالتلفون ده انها تغير خطط أبل تماما
التلفون ده وقتها كان بمواصفات في الشاشة والتصميم المبهر
والحواف اللي تقريبا اقل ما يمكن
لو الناس بتابع أبل واصدارتها المختلفة التلفونات بتاعتها هتعرف ان أبل بتعمل تصميم التلفون ليستمر ٣ سنوات مع تغير كل سنة في تعديلات طفيفة زي البروسيسور او الكاميرا
وفي سنة ٢٠١٧ كان تلفون ال
S8
من احلى التليفونات وأفضلها على الإطلاق
وده أجبر أبل انها تنزل تليفونين السنة دي وهم
iPhone 8 & iPhone x
وده من وجهة نظري كان عكس خطة أبل تماما لان المفروض كان التليفون ال
iPhone x
هو تلفون سنة ٢٠١٨ ومكانش متحضر له كويس انه ينزل في ٢٠١٧ وفي مؤتمرها للإعلان عنه حصل مشاكل لو الناس فاكرة
وكمان حددوا وقت نزوله في السوق بعد المؤتمر بحوالي شهرين ودي مدة طويلة جدا وبيعكس أنه مكانش مخطط له، وانه نازل سابق لأوانه
المهم ان بالرغم من أهمية التلفون
Samsung Galaxy s8
الا ان سامسونج دلوقتي قررت تقتله هو وال
Samsung Galaxy note8
التحديث الأخير الاندرويد ١٠ وواجهة الاستخدام الجديدة
One UI 2.0
مش هتكون متاحة ليهم
شيئ غريب من سامسونج انها تعمل التلفون ده وتوقف الدعم عنه وكأنه تلفون إصدار قديم متهالك
وللاسف ده من عادة سامسونج، ان يكون اقصى وقت لدعم التلفون هو سنتين
بالرغم من أن شركة أبل بيدعموا تلفون ال
iPhone 6s
واللي إصداره من سنة ٢٠١٥
