08-03-2020 07:38 AM in
نفس المشكله اللي بعاني منها من ساعت ما جبت التلفون S8 plus
لما بتيجي رساله من فودافون زي الباقه قربت تخلص اضغط واحد للتجديد، او اي رساله من اللي لازم اختار فيها رقم.
الشاشه بتفضل منورة بالساعات واكتشف كدة بالصدفه.
طبعا المشكله دي خلتني بقفل شبكه التلفون بليل قبل ما انام، بس دة مش حل، وبقيت محتاج اسيب الفون مفتوح بليل
بعمل كل التحديثات، والتليفون دلوقتي علي اخر تحديث.
المشكله في تلفونات الاس S8 and S8 plus
حد يعرف حل للمشكله دي.. او ازاي ممكن نبلغ بيها سامسونج بحيث يحلوها.
ملاحظه..
جربت اغير برنامج الرسائل الافتراضي.
جربت الغي رسائل ال Puch
جربت اعمل ريست للجهاز.
جربت اقلل وقت قفل الشاشه.
جربت اقفل اشعارات الرسائل اصلا.
جربت الموضوع علي اكتر من تلفون اس وكلو نفس المشكله.
08-03-2020 08:36 AM in
08-03-2020 09:03 AM in
08-03-2020 12:32 PM in
08-04-2020 03:10 AM in
مساء الخير يا أستاذ فادى مع حضرتك ساره من سامسونج مصر
بنشكرك جدا علي طرح سؤالك
في البدايه بعتذرلك جدا علي المشكله اللي واجهتك
بناءا علي سؤالك من الواضح أن حضرتك بتواجه مشكله فى ال sensor
أستأذن حضرتك فى أتباع الخطوات الاتيه :
1- نضغط الكود *#0*#
2- نختار منها Proximity sensor
لو أستمرت المشكله بعد عمل الخطوات الاتيه
برجاء التوجه لاقرب فرع لحضرتك من خلال الرابط الاتيhttps://www.samsung.com/eg/support/service-center/
نتمنى حل المشكله عند حضرتك فى أقرب وقت ممكن و
موجودين تحت أمرك وفى خدمتك فى أى وقت
08-05-2020 09:28 AM in
صباح الخير استاذة سارة
بناء علي رد حضرتك، انتي مقرتيش السؤال بتاعي كويس.
انا معنديش مشكله في السنسور بتاعت الجهاز، كمان المشكله دي مش عندي انا بس دي في S8, S8+, s9 دول اللي جربت عليهم معرفش موجود ف أجهزة ايه تاني.
المشكله غير موجودة في فيه J وغير موجودة في أي موبيل تاني من اي نوع.
انا اتواصلت مع سامسونج مصر وقالو دة طبيعي. معرفش ازاي.
سامسونج امريكا قالو اتواصل مع سامسونج مصر.
فودافون قالت دي مشكله سامسونج اتواصل معاهم..
وقعت كذا رساله لسامسونج بدون اي رد منهم..
للتأكيد المشكله مشكله السوفت وير، وانا جربت كل حاجه ممكن تتعمل.
تحديث..
حالا نازل تحديث جديد مكتوب فيه
The following functions has been updated: Messages
اتمني تكون المشكله انحلت. بعد التحديث هشوف.
شكرا
08-07-2020 10:56 AM in
المشكله مازالت قائمه حتي الآن..
اي حد ممكن يجرب انو يتصل بـ نجمه ألفين شباك .. وبعدين يقفل الشاشه بسرعه ويستني هيلاقي الشاشه نورت والكيبورد ظهر علي الشاشه وهيفضل الوضع كدة بالساعات لحد ما هو يضغط إلغاء أو البطاريه تخلص.
تاني المشكله في سامسونج اس فقط.
08-15-2020 10:47 PM in
نفس المشكلة عندي في A50
08-30-2020 09:32 PM in
اتصلت بفودافون ورحت الفرع الاتنين قالت إنهم معندهمش امكانيه الغاء الرسائل دي وان دي مشكله في التليفون بتاعي..
المشكله دي موجودة في سامسونج بس، واكيد ليها حل بس المشكله ان سامسونج ممكن يكون معندهاش فكرة بالمشكلة لانها تقريبا في مصر فقط.
ياريت لو في مشرف في المنتدي يوصل المشكله للقسم المختص.
01-20-2023 07:06 AM in
