الشاشه مبتقفلش بعد رسائل فودافون واورانج

[Fady8]

نفس المشكله اللي بعاني منها من ساعت ما جبت التلفون S8 plus

لما بتيجي رساله من فودافون زي الباقه قربت تخلص اضغط واحد للتجديد، او اي رساله من اللي لازم اختار فيها رقم.

الشاشه بتفضل منورة بالساعات واكتشف كدة بالصدفه.

طبعا المشكله دي خلتني بقفل شبكه التلفون بليل قبل ما انام، بس دة مش حل، وبقيت محتاج اسيب الفون مفتوح بليل

بعمل كل التحديثات، والتليفون دلوقتي علي اخر تحديث.

المشكله في تلفونات الاس S8 and S8 plus

حد يعرف حل للمشكله دي.. او ازاي ممكن نبلغ بيها سامسونج بحيث يحلوها.

ملاحظه..

جربت اغير برنامج الرسائل الافتراضي.

جربت الغي رسائل ال Puch

جربت اعمل ريست للجهاز.

جربت اقلل وقت قفل الشاشه.

جربت اقفل اشعارات الرسائل اصلا.

جربت الموضوع علي اكتر من تلفون اس وكلو نفس المشكله.

[doaa9]

انا عندى نفس المشكله وموبايل a71 وبيفضل منور طول الليل وكلمت خدمه العملاء قالو ان المشكله مش من عندهم وان الرسايل دى مبتتلغيش

[Muhammad293]

نفس المشكلة A52s 😡🤬

[Semsem21]

و انا ايضا
حاجة مزعجة جدا ان الواحد يصحى الصبح يكتشف ان التليفون شاشتة شغالة طول الليل

[oro1989]

حد وصل لحل؟

[Semsem21]

الحل انك ترمي خط فودافون او ترمي الموبايل السامسونج

[SEMBA1]

اكتب الكود ده 
*2*999#

واتصل عليه وبيجيك نفس الاشعار المزعج ويقول لك لالغاء هذه الخدمه دوس 1 صدقني بتحس بانتصار ههههههه

[Members_1TzGuuL]

جربت كده هاشوف  وفعلا ظهر رسالة للإلغاء دوس 1  و بعتلي قال تم الإلغاء بنجاح  

[megohoby]

ليس له علاقة 

[kizaA71]

مشكلة مزعجة ف A71

[blackeng]

انا عندي نفس المشكلة سامسونج نوت ١٠
علي فودافون و اتصالات