السلام عليكم ورحمة الله وبركاته ..
فيه طريقة بالتصوير أغلبنا مايعرفها أو كانت في خاطره ولا عرف ياصل لحل
بينما المصورين المحترفين وشركات التصوير تخفيها عن الناس لأنها سر قوي لنجاحهم.
عمرك يوم تسائلت ليش تشوف صور واضحة التفاصيل بكل الجهات ؟
واذا جيت تصور صورة أو منتج تشوف أن الفوكس او التركيز حادك على زاوية ضيقة ؟
وتظطر أنك تصور الصورة على تركيز معين وتضحي ببعض زوايا الصورة
بعطيك مثال بالصورة هذي :
الصورة هذي قسمتها الى منطقتين :
المنطقة الأولى رقم ١ : وتلاحظ هنا الفوكس ضعيف ولاهو يمها لأني مركز الفوكس على المنطقة الحمراء وهي:
المنطقة ٢ : وهي المنطقة اللي مركز الفوكس عليها .
الناتج = أن العدسة ألتقطت لي صورة واضحة التفاصيل لمنطقة ٢ وتجاهلت منطقة ١ لأن فتحة العدسة ماتكفى تغطي المنطقة كاملة .
خذها قاعدة :
كل ما أبعدت بالكمرة راح يكون التركيز معك أو ( الفوكس ) أكبر لاكن الناتج تفاصيل أقل
وكل ماقربت بالكمرة رايح يكون التركيز معك أو ( الفوكس) أصغر لاكن الناتج تفاصيل أكثر وأوضح
لذلك شبه من المستحيل أنك تلتقط صورة واضحة التفاصيل وشاملة حتى على مستوى الكمرات الاحترافية ( المتوسطة ) ما بالك بالجوالات
مستحيل والسبب هذي لان فتجة العدسة مهما كان أصغر من البُعد أو التفاصيل اللي تبيها
يعني علشان تحقق المستوى هذا يبي لك فتحة عدسة واسعة جدا ( عدسة مختبرات + كمرات أحترافية وعدسات احترافية فلكية )
طيب وش الحل ؟
عدسات جلكسي ( فئة ال S) نص الحل والحل الثاني بمصطلح يسمونه :
Picture Focal stacking
أي تركيب الصور مع فوكس ( تركيز ) متعدد
يعني تتم معالجة الصور بحيث أن المعالج يجمع كل الصورة الملتقطة لجسم واحد مع تركيزات متعددة ويدمجها بصورة وحده بحيث أنه ياخذ من كل صورة أوضح مافيها ويدمج .
بطريقة ثانية يجب عليك تصور الجسم اللي تبيه أكثر من صورة وفي كل صورة تحط الفوكس على زاوية
مثال : النظارات اللي فوق صورتها ٩ صور مقسم الفوكس على :
٣ صور علوية + ٣ صور الفوكس في الوسط + ٣ صور الفوكس في الاسفل
وأبقيت الجسم ثابت ومكان التصوير ثابت والاضاءه ثابته .
طيب كم أجمعهم جميع ؟
بعد بحث طويل أقدر أٌقولك أضمن طريقتين :
١- موقع أون لاين
تختار ADD ثم ترفع الصور جميع ثم تختار Stacking انتظر لين يرفع ويعالج الصور ثم اختر داون لوود
٢- الفوتوشوب ( ٥ خطوات ) ماهو لازم تحترف فيه .( اليوتيوب مليان شرح )
وهذي النتيجة النهائية ل ٩ الصور اللي صورتهن :
جوال جلكسي اس ٢٤ الترا - وضع التصوير العادي- الفوكس يدوي - العدسة ١٢ ميقا بيكسل - الاضاءة خارجية
تنبيهات هامة :
١- لازم اضاءة كويسة بكل الصور + تثبت قوة الاضاءة + تنوع بالتركيز والافضل ماتتجاوز ٩ صور
٢- لازم مثبت كمرا او تراي بود لايمكن تسوي الدمج منن تصوير يدك لانه شبه مستحيل ماتحرك يدي ولو حتى ربع ملي لانه راح يحوس عليك الدمج
واللي عنده استفسار أنا سعيد بالرد عليكم
تحياتي أبو طلال
حقوق النشر متاحة لكل مسلم مع ذكر المصدر
الإضاءة المستخدمة بسيطة وبدائية وشكلها كذا للي يبي يستفيد
اضغط على المؤقت واختر بدون زي الصورة الي تحت
المثبت شغل يدوي وتوفير ميزانية
المثبت الصح قيمت غالي ويجي حديد
انا مسوي هذا ومشرطنة في الأرض علشان يثبت ولايتحرك ابد
المثبت الصح قيمت غالي ويجي حديد
انا مسوي هذا ومشرطنة في الأرض علشان يثبت ولايتحرك ابد
باستخدام فوتوروم وتعديل الإضاءة
