التليفون مش بيجيب شبكة

[moaazzain17]

انا معايا s25 edge والتليفون لما بحط فيه شريحة مش بيجمع شبكة وللاسف جربت كل الحلول الممكنه مش بيجمع شبكة

الا اذا غيرت الشريحة بشريحة جديدة بنفس الرقم 

لما بحطها في التليفون اول مرة بتلقط شبكة عادي 

انما لو شيلتها وحطيتها تاني سواء في درج الشريحة الاول او التاني مس بتجمع شبكة في درج الشريحة الاول و مش بيقراء ان في شريحة اساسا في التاني

ممكن اعرف المفروض اعمل اية

[النجم_الثاقب]

المشكلة دي غريبة فعلاً طالما الشريحة بتشتغل أول مرة بس. جرب الحلول دي بالترتيب و ان شاء الله هتنفع معاك

​إعادة ضبط ضبط الشبكة (Reset Network Settings) دي أول خطوة لازم تعملها ادخل على الإعدادات > الإدارة العامة > إعادة الضبط > إعادة ضبط ضبط الشبكة. ده بيمسح أي تعريفات غلط اتخزنت للشريحة. ​تحديث خدمات الاتصال: اتأكد إن تطبيق 'SIM Toolkit' أو 'Carrier Services' من جوجل متحدث لآخر إصدار من المتجر. ​تبديل وضع الشبكة: يحاول يثبت الشبكة على 4G أو 3G يدويًا بدل Auto، وشوف هل الجهاز هيقرأها ولا لا ​التأكد من السيريال (IMEI) يطلب كود *#06# ويتأكد إن السيريال نمبر ظاهر وسليم مش (Null) أو (Unknown)، لأن أحياناً فقدان السيريال بيخلي الشبكة تروح وتيجي ​تجربة شريحة شركة تانية لو شريحة شركة تانية اشتغلت تمام، يبقى المشكلة في توافق نوع الشريحة القديمة مع سوفت وير الـ S25.

​لو كل ده منفعش غالباً دي مشكلة Baseband في السوفت وير هتحتاج تعمل فورمات كامل للجهاز أو تستنى تحديث يحل المشكلة

[moaazzain17]

الاول شكرا جدا لحضرتك علي المجهود جزاك الله خيرا
ولكن للاسف كل دة منفعش
والفكرة ان الموضوع عشوائي جدا
يعني انا جربت شرايح من كل الشركات تقريبا وكلهم مفيش نمط واضح لامتي بتجمع شبكة وامتي لا
بس الحاجة الوحيدة اللي ملاحظها ان معظم الشرايح اللي استخدمتها لما بتكون اول مرة تدخل في درج الشريحة بتجيب شبكة عادي
اما لو شيلتها او غيرت مكانها بتظهر المشكلة
وانهاردة كنت في صيانة سامسونج مصر
قالي دة ممكن يكون بسبب انك مادفعتش الضريبة

[النجم_الثاقب]

حبيبي شكرا على ايه ❤ احنا اخوات . كلام الفني صح في حاله واحده لو الفون جاي من بره

[moaazzain17]

حتي دي صور لل imei بتاع الجهاز لما بتصل ب *#06# وكذالك لل service provider version
وكل حاجة مثالية عادي

[AlyS]

خو حضرتك شاريه مستعمل ؟ ممكن يكون فيه عيب وصاحبه باعه
حاجة تانيه ممكن سكرين شوت من
Service provider software version

[moaazzain17]

انا شاريه مستعمل فعلا من خد بس كان مكملش معاه شهر
وروحت سامسونج انهاردة اللي في cfc قالي ان الجهاز كا hardware مفيش فيه اي مشكلة خالص
ودة ممكن يكون بسبب اني لسة مدفعتش الضريبة
ودي صورة ال service provider software version

[AlyS]

في الغالب فعلا عشان الضريبة
طيب شوف تطبيق تليفوني هل عليه ضريبة

[moaazzain17]

عليه ضريبة علي التطبيق ايوة

[AlyS]

تمام يبقى ده السبب