Original topic:

التحديثات

(Topic created on: 09-14-2022 06:12 AM)
OmarAlaa12
Active Level 3
Options
جالاكسى S
S20 FE 5G
ليه التحديثات الأمنية برة مصر بتوصل بشكل اسرع و بشكل شهري لكل اجهزتها الفلاجشيب و الفئة المتوسطة العليا انما في مصر هنا التحديثات بتقعد بالشهور مبتوصلش مع انك بتبقي عارف ناس معاهم نفس الفون بس برة مصر و زي مقولت بيوصلهم التحديثات بشكل شهري لدرجة اني بقيت بعمل تشيك عالتحديثات ٢٠ مرة في اليوم عشان اشوف وصل و الا لا بالعلم ان الجهاز اللي معايا يعتبر فلاجشيب
0 Likes
13 Comments
Anas_s22plus
Active Level 1
جالاكسى S
عادى
0 Likes
OmarAlaa12
Active Level 3
جالاكسى S
نسخة الهند بس مش عارف ليه مبينزلهاش تحديثات مع ان عندي جروب فيه كل الناس اللي معاها نفس الفون بس بينزلها تحديثات مستمرة
0 Likes
AmrMuhamed
Active Level 6
جالاكسى S

التحديثات الأمنية المفترض انها توصل شهريا لمعظم الموبايلات الرائدة او الفلاج شيب الحديث
موبايلك من ضمن الأجهزة الي هتستقبل التحديث شهريا
صحيح التحديثات مش بتوصل لكل الدول في نفس الوقت لان التحديثات بتوصل بشكل تدريجي
و لكن بشكل العام هتوصل لكل الدول خلال الشهر الا لو حصلت حاجه طارئة او خلل في التحديث ممكن يتأخر قليلا 
و لكن مش لدرجة ان موبايلك ميستقبلش تحديث أمني من شهور !
لو موبايلك اشتريته محليا من مكان معتمد و فعلا موبايلك بيستخدم تصحيح أمني من شهور و موصلكش اي تحديث لحد دلوقتي
يبقي الأفضل انك تزور فرع صيانة لسامسونج و إن شاء الله هيساعدوك 

0 Likes
OmarAlaa12
Active Level 3
جالاكسى S
..وصلي تحديثات كتير و اندرويد 12 بس لغاية تحديث شهر يوليو و بعد كدة وقف
0 Likes
AmrMuhamed
Active Level 6
جالاكسى S

بالفعل في دول كتير الموبايل استقبل اخر و احدث تصحيح أمني متاح
و مش طبيعي ان يكون اخر تحديث أمني وصلك كان في شهر يوليو
في الحالة دي انصحك تتواصل مع دعم الفني لسامسونج بشكل مباشر
و إن شاء الله الوضع يتحل 

0 Likes
OmarAlaa12
Active Level 3
جالاكسى S
اتواصلت معاهم كذا مرة و قالولي اخلي التحديث التلقائي مفتوح من الاعدادات و بس مفادونيش بحاجة
0 Likes
AmrMuhamed
Active Level 6
جالاكسى S

الصراحة ده يعتبر تقصير منهم 
التحديث الأمني الأخير وصل بالفعل لنفس الموبايل في دول كتير منهم السعودية و الإمارات و غيرهم 

نأمل ان لو فيه مشكلة او خلل في التحديث مسبب التأخير ده انه يتحل في أسرع وقت بإذن الله 

0 Likes
OmarAlaa12
Active Level 3
جالاكسى S
فعلا هو التحديث الاخير علي حسب ما سمعت كان فيه مشكلة في الشحن السريع بس سمعت انها اتحلت في التحديث اللي بعديه علطول و كل ده و انا مستني يعني تحديثين كاملين نزلوا ورا بعض و انا لسة
0 Likes
AmrMuhamed
Active Level 6
جالاكسى S

لو فعلا كانت فيه مشكلة في التحديث قبل الأخير و اتحلت في اخر تحديث 
فممكن يوصلك التحديث خلال الشهر الحالي بإذن الله
للاسف في مصر التحديثات بتوصل متأخرة قليلا عن دول كتير 
نأمل ان التحديث يوصلك قبل ما ينزل تحديث أكتوبر لان بالشكل ده مش هيبقي في تبرير تاني للتقصير ده 

0 Likes