البطارية

[محمدفارسمحمد]

السلام عليكم ورحمة الله و بركاته؛ طلبت اس ٢٣ الترا و تابعت المقاطع الكثيرة عنه في اليوتيوب و لاحظت اغلب اللي يعملون مقارنات بينه و بين هواتف اخرى يجلس معهم الجوال من ١٠ - ١١ ساعة بينما الهاتف عندي بالكاد يجلس ٧ ساعات ؛ مع العلم انني عندما ادخل على الاعدادات و اذهب الى حالة البطارية فإن القراءة تعطيني ١٣ ساعة !!! لا أعلم اين الخلل بالضبط ؟ مع العلم انني لا اشغل البلوتوث ولا العب العاب تستهلك البطارية نهائيا 

[Aziz77wi]

حط الهرتز بدال ل هو 120 خليه 60

الاعدادات
/ الشاشه
سلاسة الحركة

[محمدفارسمحمد]

ابي اجرب واشوف ، حتى المعالج خففته و دقة الشاشة خففتها بعد و الان ابي اقلل سلاسة الحركة و اشوف ان شاء الله

[Sana77]

شف اذا بتشتري سامسونج انسى البطارية لو تسوي الي تسوي نفسها من سنة جدي اول ماتشتري الجهاز 7 ساعات استخدام متواصل بعدها تصير 5 ساعات استخدام متواصل والشاشة تشفط البطارية شفط ومن سنة جدي وهذي مشكلتهم حتى اذا قللت جودة الشاشة ماتستفيد 🙂 وتلاحظ يوم تخلي الجوا طافي عادي يقعد معك يوم يوم ونص لكن افتح الشاشة وش كيف الشحن يهبط حتى لو ماتستخدم تطبيقات

[محمدفارسمحمد]

مالك لوا يا خوي حتى و الجوال شاشته طافيه( لا اقصد الجهاز بكبره طافي و لكن اقصد الشاشة فقط ) يشفط بطارية شفط ، وأنا اصلا من عادني قبل ما انام اشحن الجوال فل و اول ما ياصل ١٠٠% افصله و اخليه جنب راسي وانا نايم ، لما اقوم الاحظ البطارية نقصت ٤٠ بالراحة ، فالمشكلة في بطاريات سامسونج

[Sana77]

انتبه ليكون فيه تطبيق يسحب زي تطبيقات الانتي فايروس وتطبيقات مسح الكاش الاضافية وتطبيقات البطارية الاضافية وتطبيقات فاير وول والأدوات الي
ماتظهر حتى هي تسبب هذي المشكلة
وفيه ألعاب بعد تسبب حمل تطبيق
Anti Spy Detector
- Spyware
وشف وش بيطلع
Battery Tracker apk
هذي اداة خارجية
توريك استهلاك التطبيقات بالتفصيل

[محمدفارسمحمد]

جزاك الله خير النقاط اللي ذكرتها اجهلها ، وشلون اوقفها التطبيقات هذي طيب ؟ مثل الانتي فايروس و مسح الكاش و فاير وول

[Sana77]

فيه شي مع النظام ماينفع توقفه وفيه شي انت تحمله من المتجر المشكلة من الي نحملها من المتجر اذا حملت شي تحذفه لكن الي مع النظام تخليها هي بتشتغل بشكل طبيعي
يوم تدخل قائمة العناية بالجهاز والبطارية بتحصل خانة
حماية الجهاز يمديك تقفلها وتفعلها تضغط الثلاث نقاط العلوية ويطلع خيار تشغيل او ايقاف
هذا انتي فايروس ( مكافي) مدمج مع
النظام
https://m.youtube.com/watch?v=j_lPHtb06cI

شوف عبدالرحمن العنزي تستفيد في تخصيص وتخفيف النظام وامور كثيرة وامور البطارية واشياء ثانية بيفيدك

[Sana77]

واذا مافاد ولا شي توجه للوكيل قولهم الجهاز مضروب

[محمدفارسمحمد]

انا ماشي بقاعدة خلك على قردك لا يجيك اقرد منه ؛ وكيل سامسونج سيء جدا و لا ادخل على موقعهم بقوقل ماب و اقرا التعليقات بنفسك