اس ٢٢ الترا

[yo905]

ياجماعة والله لاحظت عندنا حن يالجلكسيات او الأندرويد بشكل عام مظلومين،

طبعا انا جربة الايفون حق اخوي ولاحضت عندهم مميزات احسن مننا والواتساب شكله افضل في الايفون وفيه مميزات اضافية عكس الجلكسي وعندهم بالسناب والتك توك وضع داكن والاندوريد مافيه وفوق ذا كله بطاريتهم ومعالجهم أقوى ونظامهم خاص سلس واكثر التطبيقات محسنه بالايفون عكس لاندرويد المهمل

وبرضو لاحضت تصوير الفيديو اليلي بالايفون افضل من الجلكسي الجلكسي باليلي يقلب نوكيه تطيح الفريمات

نصيحه مني الي يبي ياخذ جهاز غالي لايدفعه باندرويد صح مواصفات لاكن بالتطبيقات سيء والمعالج سيء والبطارية تخلص بسرعه عكس الايفون يوم كامل تجلس معاه 

نصيحه مني الي بيرقي لا تشتري جهاز اندرويد خذ ايفون افضل لك وصدقني مارح تندم وماعليك من الي باليوتيوب كلهم مطبلين مقابل المال وانا احد ضحايا فيصل السف جالس يمدح الاس ٢٢ الترا واشتريته وندمممممت اشد الندم تمنيت اني شريت وقتها ايفون ١٣ برو ماكس 💔

[mrχmshariχ]

والله ي صاحبي على طاري الواتس اب نص حقين الايفون يتمنون الواتس اب اللي على جهازي الاندرويد وخصوصا الاس22 ..مميزات لاحصر لها
احفظ حالة الواتس
اسوي اعادة ارسال مباشره لحالة واتس شخص ثاني
اخفي الظهور
اخفي علامة صحين القراءه
اخفي علامة صحين الاستلام
اخفي مشاهدة حالة الواتس اب
اخفي صحين الاستلام والقراءه من المجموعات
اخفي علامة الميكروفون الزرقاء
اخفي اني اسجل صوت
اخفي اني اكتب
اغير لون المحادثات
اغير شكل ايقونة الواتس
اغير شكل صندوق الكتابه داخل المحادثات
اغير الوان الاسماء
اغير لون التاريخ
لو بجلس اكتب بتعب ما خلصت
فا هايفون مايوصل ربع تطبيقات الاندرويد ومميزاتها لو انطبقت السماء على الارض بيبقى فقير

[فهدمحمد]

ويقولون الواتس اب في الايفون احسن على اساس اللي عندنا مايرسل رسايل او ناقص شي...احسن من اي ناحيه يقولك مستقر..اجل اللي عندنا يرقص😂

[5halid-Abdulrahman]

الموضوع كله متوقف على التجربة
وحاجة كل مستخدم
الفترة الأخيرة صار فيه تقارب كبير بالأنظمة
وتحسنت تجربة كثير من التطبيقات على الأندرويد لكن لازال نظام الآي أو اس
سابق بخطوة ضئيلة
وعلى مستوى الهاردوير تطور الأيفون بشكل كبير وملفت النسخ الأخيرة
شخصيا مايهمني التيك توك والسناب
لكن القلم مهم في فئة الألترا لتعديل الصور
والحقيقة محبط جدا موضوع البطاربة
الجميع تفائل خير بنسخة كوالكم للشرق الأوسط
!وللأسف النتائج عكس المأمول

[memo909]

لا مظلومين ولا حاجه وشكلك ايفوني من اول واول مرة تجرب سامسونج بالعكس ارى الاندرويد وسامسونج بالذات افضل بمراحل جربت الايفون ١٣ برو وماجاز لي ابدا وفي النهاية هي اذواق شخصية وبس وسلامتك

[yo905]

للأسف ماعمري امتلكت آيفون من يوم ولدت للان اول جوال امتلكته نوكيا وبعدها نوت ٣ وبعدها اس ١٠ بلس والان اس ٢٢ الترا بس الي حولي نصحوني يقولون وشلك بجوال جلكسي يعلق وتنتهي بطاريته بسرعه وفعلا البطاريه تخلص بسرعه وهذا اسوا شي بالجلكسي او معالج كوالكم لاكن قالو لي بتاخذ انت ايفون بتكره شي اسمه جلكسي بطارية تطول معك نظام محمي وسهل وتحديثات ماتوقف تستمر معك وانا للامانه والله اني ما اداني الايفون لاكن الي بيخليني اخذه عشان بطاريته تطول لساعات اكثر الجلكسي حقي ٨ ساعات وتخلص يعني باليوم اشحنه مرتين عكس الايفون مايشحن الا مره وحده باليوم 😑

[أبوطلال-]

اذا انت شخص باختصار مالك استخدام عميق اكيد الايفون بيعجبك
اذا انت شخص متسلط تبي تتحكم بكل شي ولا تبي الجهاز يتحكم بك فا اكيد الاندرويد افضل لك
مشكلة المقارنه مع المستخدمين باجهزتهم غير دقيقه
يا يجيك واحد استخدامه للاجهزه اساسا ضئيل ومحدود يعني اتصال رسايل سناب اكيد بيقول لك الايفون افضل
لكن لما تجيب شخص استخدامه عميق اكيد بيرفض الايفون لانه مايلبي تطلعاته

كل ما تعمقت بالاستخدام راح تتجه اجباري للاندرويد والجلاكسي
وكل ما صار استخدامك ظاهري بتميل للايفون
لذلك تعتمد عليك انت

[أبوطلال-]

مازلت ولازالت من ايام اس ٣ وايفون ٤
وانا اقول ان الايفون جهاز مصمم لذوي الاحتياجات الخاصه مع احترامي لهم