استنزاف بطارية S25 Ultra

[AhmedAlyasin]

السلام عليكم 

حولت من ايفون بعد سنين إلى سامسونج لكن بديت أشعر بالندم بسبب البطارية 

اشحن إلى 100 و انام و النسبة تصير 76 

مو معقول هالشي قلت اجرب أوقف AOD و نفس الشي 

رحت للبطارية و ما شفت اي تطبيق يستنزف بشكل سريع للبطارية 

الجهاز إلى الآن ثلاث اسابيع و أقصى شي اوصل له 6 إلى 7 ساعات متواصلة على الجهاز 

جربت ابحث عن حلول ما حصلت 

لا تقولون لي قفل خاصية كذا و الا كذا لان الشخص دافع مبلغ محترم المفترض يكون اداءه التوب 

[AboNasser]

وعليكم السلام
جرب اطفاء شبكه 5G

[AhmedAlyasin]

جربت وما في فايدة

[AhmedAlyasin]

شوف كيف الاستخدام و كيف استنزاف البطارية

الشحن الكامل يعطيني يس 16 ساعة و حولها

[محمد_المحمد]

اصبر عَ الجهاز شهر و أسبوعين إلىٰ شهرين في حال والـــلّٰــــه ما ضبط الوضع أو تحسّن ترا عندك مشكلة 100% , و في هـٰذه الحاله ضروري تتصرّف بالتّواصل مع سامسونج أو تلقىٰ لك حل لأن مستحيل هالصرف ! ..

أعانك الـــلّٰــــه و موفّق خير يارب 🤲🏻 ..

[〆AL-Mutairi〆]

اذا خيار السكون العميق التلقائي مو فعال شغله 👍

أيضا 5g عدوه للبطاريه مع الأسف

بامكانك تجربة تطبيق good guardians وحمل ادواته من الانترنت ليس من المتجر فيه اداة حفظ البطاريه باسم Battery Guardian

راح تحافظ ع البطاريه بوضع عدم الاستخدام 🫡

طبعا البرنامج مع الأدوات كلها تابعه لسامسونج ولكن ماراح تحصلها في المتجر لأنها الى الان غير مدعومه بالمتجر السعودي ولكن حملها من المتصفح apk

المطيري

[AhmedAlyasin]

يعطيك العافية حبيبي
الوضع مفعل و بالنسبة للفايف جي غالبا استخدامي واي فاي في المنزل و مع ذلك استنزاف للبطارية بشكل مرعب

[〆AL-Mutairi〆]

جرب البرنامج والاداه اللي عطيتك وبإذن الله بتلاحظ الفرق 👍

واذا تبي شرح للادوات بعطيك شرح له

[AhmedAlyasin]

يعطيك العافية حبيبي ياليت تزودني ❤

[〆AL-Mutairi〆]

ابشر ولايهمك بجيبه لك من قناتي ثواني بس