إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

إخفاء الاشعارات

(أُنشأ الموضوع في: 09-12-2022 01:34 PM)
ShimaaNasa
Active Level 1
خيارات
جالاكسى S
طريقة إخفاء درج (سحب) الاشعارات أثناء قفل الشاشة لموبايل S22 ultra 
0 نقاط إعجاب
17 التعليقات
ShimaaNasa
Active Level 1
جالاكسى S
بس الموبايل اللي كان معايا قبل ده وهو Note 8 كنت بقدر من الموبايل بس أني أقيس الاكسجين وضربات القلب والاجهاد وكان في سينسور جنب الكاميرا بقيس من خلالة
لاكن في الموبايل الحالي أنا حتي مش عارفة فين السينسور ده اللي في الموبايل بحيث الواحد ممكن يقيس منه لو الساعة مش متوفرة
AmrMuhamed
Active Level 6
جالاكسى S

فعلا نوت 8 كان فيه سيسنور مخصص لقياس نبضات القلب و تشبع الأكسجين في الدم 
و الميزة دي كانت متوفرة من زمان من اول Samsung S5
لحد Note 9 & S10 
بعد كده سامسونج قررت انها تزيل السيسنور من اول نوت 10 و لحد النهاردة يعني من 3 سنين تقريبا هو غير متاح في الموبايلات الحديثة 

فيه ناس بررت السبب ان الميزة لا تستخدم كثيرا و ان الساعات بيتقدمها بشكل عملي و دائمة القياس و تلقائية و بالتالي قرروا انهم يستغنوا عن الميزة في الموبايلات و يضيفوا بدلها مميزات جديدة و يستفادوا من مساحة السيسنور القديم في انهم يكبروا و يطوروا في الهاردوير الأساسي زي الكاميرا تكون اكبر و افضل مع الحفاظ علي الشكل الجمالي للهواتف

لكن من وجهة نظري ان السبب الحقيقي هو ان سامسونج قررت انها تخلي المميزات دي حصرية في الساعات الذكية بحيث تزود مبيعاتها و السبب تجاري بحت
اصل بشكل عام الموبايلات زمان كانت تقدر تعمل كل حاجه تقريبا بتعملها الساعات الذكية و اكثر بكتير 
بالتالي مكنش فيه سبب لشراء ساعة ذكية زمان غير ان شكلها حلو و شيك و ده مكنش كافي 
فمن زمان قررت معظم الشركات بما فيهم سامسونج و ابل و غيرهم انهم يغيروا في طريقة تسويق الساعات و يصنعوا احتياج ليها من خلال ربطها بالرياضة و الصحة ( شغل تسويق )
و علشان تنجح الساعات الجديدة لازم يخلوا الحساسات الحيوية و الصحية حصرية في الساعات و يلغوها من الموبايلات الحديثة
و بالتالي للاسف الموبايلات الحديثة غير قادرة علي القيام بالقياسات الحيوية علي عكس زمان

اتمني اكون قدرت اساعد و لو قليلا 

ShimaaNasa
Active Level 1
جالاكسى S
بجد مش عارفة أشكر حضرتك إزاي علي معلومات لأنها بجد مفيدة وجزاك الله كل خير
AmrMuhamed
Active Level 6
جالاكسى S

وإياكم مع جزيل الشكر والتقدير والاحترام لحضرتك

AmrMuhamed
Active Level 6
جالاكسى S

ثانيا الإشعارات علشان نمنع ان حد يسحبها و تختفي ممكن نجرب اننا نغير طريقة عرض الإشعارات في شاشة القفل و نخليها مجرد ايقونات بدون إظهار تفاصيل الإشعارات من خلال شاشة القفل
ده ميزته اننا هنحمي الخصوصية بحيث تفاصيل الرسالة او الإشعارات مش هتظهر من بره و همنع اي سحب او إخفاء للإشعارات

الخطوات كالآتي فتح الإعدادات - شاشة القفل - الإشعارات - اختيار الأيقونات كطريقة عرض الإشعارات ايضا مع اختيار إخفاء المحتوي 
او اتباع الخطوات كما في الصورة السوداء

بالشكل ده هيظهر بس ايقونة التطبيق صاحب الإشعار و لكن بدون اي تفاصيل اخري من خلال شاشة القفل و بعد فتح الشاشة هتلاقي الإشعارات ظاهرة كاملة و بشكل طبيعي

معلومة ممكن تفيدك في حالة ان فيه اي إشعارات فاتت او اتسحبت او اختفت ممكن توصلي ليها مرة تانية بسهولة من داخل الإعدادات و هتلاقي تاريخ الإشعارات خلال الايام الماضية

الطريقة كالآتي فتح الإعدادات - الإشعارات - الضبط المتقدم - سجل الإشعارات - تفعيل 
او اتباع الخطوات كما في الصور البيضاء

اتمني اكون قدرت اساعد و لو قليلا 


1.png

 

2.jpg

 

3.jpg

 



mohamedyehya
Active Level 6
جالاكسى S
مينفعش تمنعي ان الموبايل يبقى صامت و هو مقفول لكن ينفع تمنعي الwifi
0 نقاط إعجاب
ShimaaNasa
Active Level 1
جالاكسى S
للاسف حصل معايا بعد التحديث الأخير
ممكن أي حد يعمل الموبايل صامت من غير إلغاء قفل الشاشة
0 نقاط إعجاب
RamyELGammal
Expert Level 5
جالاكسى S
فعلآ جعل الهاتف صامت غير مؤمن بكلمة سر الشاشة
بس حتي لو الهاتف اتعمل صامت وانتي دخلتي علي البحث عن هاتفي وطلبتي انه يصدر صوت رنين الهاتف بيطلع صوت الرنين عادي جدآ وبأعلي درجه دون التقيد بالوضع الصامت او درجة علو الصوت