انا عشت اسوء تجربة النهاردة فى فرع سموحه و حقيقي الموظف استفزنى جدا و علتولى ضغطى وقالى التليفون مش هتستلميه دلوقتى خالص لان دا تليفون جديد ولسه ملوش قطع غيار عندنا قولتله مش ذنبي دى مشكلتكم انتم راح جابلى التليفون وقالى خدى عملنالك سوفت وير وكدا خلاص المشكله اتحلت ومرضاش يديني ريبورت بالصيانه مع ان دا حقي . والمشكله قائمه التليفون بعد السوفت وير ال هو عمله بيشحن اكتر من ٩ ساعات . و حقيقي مكنتش اتمنى تجربة دى فى فروع سامسونج
مع ان موظف الفرع اللى استلم منى التليفون شاف المشكله اثناء التجربة واكدلهالى فالشكوى بتاعتى
انا مش هقول غير ان دى اخر مره اتعامل مع سامسونج
موبايل فى عيوب و كمان التعامل غير مهنى وغير محترم
حضرتك انا دكتورة فالجامعه ميصحش تعاملنى على انى جاهله او مبفهمش والموظف يقولى انا عندى منه نسختين فالبيت شغال زى الفل دى مشكلتك انتى
لا مش مشكلتى ماليش دعوة بتجربته الشخصيه
انا خدت تليفونى ولسه المشكله قائمه ومتحلش وانا مش هسكت وهبعت المشكله لكل اليوتيوبر و المراجعين والبيدجات والجروبات واخر مره اشترى اى حاجه من شركتكم
وانا كان ليا سابق شكوى بردو مع فرع اخر اللى رفض اصلا يتسلم
منى الفون وقالى مفيهوش مشكلة
حسبنا الله ونعم الوكيل
هو دا رضا العميل اللى بتقولوا عليه ؟
