اتمنى تشاركوني بآرائكم

[fad33]

ودي ابوح باللي عندي انه انا محب لشركة سامسونق بدون تطبيل اغلبكم يحتقرها مع انه أجهزتها ممتازة وجربت من عندهم كذا جهاز من اس ٢ و٣ وبعدين هواوي ورجعت للسامسونج جي ٧برايم وبعدها رجعت للاس اخذت تابلت واخذت اس ١٠ بلس واخذت اس٢٠ بلس وكل اللي اشوفه عندهم بس الحرارة ماهي مبالغ فيها زي ماتذكرون والتصوير في البرامج اتمنى انها تنحل غير كذا جوالاتهم ممتازة وذات كفاءة قد يواجهه البعض مشاكل بس حلها لدى الوكيل او بالاستخدام الصحيح واهم شئ حاولوا انكم لاتستخدموا الجهاز وقت الشحن ولا تشحنها بإستمرار يعني لاتتركوا الجوال بالشاحن فترة طويلة بعد الشحن الكامل لانه يأثر على البطارية وعمرها وحاولوا انكم تتجنبوا برامج البطاريات والمحافظة عليها لانها فاشلة وتؤدي بالحرارة الزائدة وغير انه في خاصية العناية بالجهاز اللي توفر وتحافظ على الجهاز وتحذرك من البرامج اللي تستخدم البطارية بشكل زائد واخطائها، كلنا نتمنى معالج اقوى مثل سناب دراجون بس اذا ماتعرف تستخدم الجوال م منه فائدة كبيرة واللي اعرفه انه مافي شئ كامل حتى عند الايفون عند اللعب الثقيل يرتفع حرارته وفي الشمس مع انه يملك معالج قوي وحتى هواوي عندهم مشاكل وهم اكبر شركات جوالات كل شركة ولها مميزات وعيوب بس كلنا نتمنى الافضل والكمال لله  

[krom55]

انا محب وعاشق لسامسنج بس هل معقولة 12 قيقا رام ومعالج سناب دراقون ومع اللعب ترتفع حراره المعالج مع انه بدون 5g صح اغلب الأجهزه مع ال5g تزيد حرارتها بس الي قاهرني 12 قيقا رام النظام لحاله 3 قيقا مع اي تطبيق يرتفع من 5 الى 8 وتزيد حرارة الجهاز اتمنى اندرويد 11 يحلو اغلب المشاكل😪😪

[alshabrami]

سامسونج لي معهم ٣٤ سنة ومراقب ومتابع بديات ساسونج..الذي حدث ويحدث الان انها تمر بمراحل خلل إداري وتخبط في القرارات وعدم الوضوح في مجريات التخطيط السليم..وربما ذلك يعود إلى دخلاء في الادارات العليا يعملون ضد تطور الشركة..بل رجوعها إلى الوراء ..وهذا حال كل من لا يراجع تثبيت مراكز النجاح والحفاظ عليه والمضي قدما الى مراكز اعلى..
هناك مثال لما ذكرت ربما حدث او سيحدث لسامسونج اذا استمرت على ما هي عليه..
وهي شركة سوني التي كانت على مدى عقود وهي تتربع على عرش الاجهزة الإلكترونية بشكل عظيم ..وبدت تنهار بالتدرج الى ان اصبحت آله قديمة لم يبقى منها الا الاسم..وبعض..الذكريات ..التي يعيش عليها البقيه في سوني..
سامسونج اذا لم تفيق وتصحح المسار الى الاتجاه الصحيح ..ستكون مثل سوني ..حديث الذكريات..
اسعد الله اوقاتكم 🌷

[Abdullah1848]

محد احتقر أي جهاز من أجهزتهم
كلنا ننتقد المعالج فقط حتى لو تلاحظ في منشوراتنا السابقة دائما ما نذم معالج إكسنوس فيها بشكل عنيف وموجع لدرجة أن المشرف يحذف المنشورات 😂😂

[بردقاl]

بالنسبه لي مالقيت على سامسونج اي ملاحظات غير معالج الاكزينوس لو يخلونه معالج كوالكم افضل هذا الي نبي بس

[alshabrami]

انا اتكلم على خدمة ما بعد البيع لها عامل كبير في دعم سمعة الشركة بشكل عام وهذا له عامل كبير في الدعاية والثقة ومزيد من النجاحات هذا جانب مهم ويحتاج الى مراجعة وتطوير الى مصاف الشركات العالمية..

[fad33]

هذا شئ اكيد ومع ذاك اغلب الشركات عندنا للاسف كلام في جميع المجلات احنا نحتاج للشركات ان تتواجد هنا بشكل رسمي الوكلاء عندنا الاغلب سئ مو بس سامسونج في جميع المجالات غير الجوالات

[fad33]

متقبل ارآئكم ومع كذا حتى انا مستخدم زيكم لسامسونج بس انتوا مكبرين موضوع معالجهم الزبالة😅 واتفق معاكم واختلف وكل واحد له وجهة نظر بس اختلافي معاكم مو انه المعالج بالسوء اللي تذكرونه عنه والصراحة معالج مع انه زبّال بس قوي واتحدى احد ينكر الشئ في المهام اليومية ممتاز جدا آداءه في البرامج يتكل عليه وفي الالعاب والاستخدام المكثف يبدأ يحمى بشكل ملحوظ ولكن ليس بالشئ المرعب ممكن لوكان معالجهم موجهه للعالم كله ما هوجم بذالك الهجوم لان الناس ترى انه فيه افضل وهنا تبدأ الوسوسة مع انه اي جوال في الاستخدام المكثف يبدأ يحمى ترى جوال ماهو كمبيوتر .

[Azzouni]

على فكرة🤚
هذي سياسة سامسونج وسياسة أغلبية الشركة كذا...
وهم يقصدوها.... والسبب بسيط
لو شركة سامسونج تقدر تحط كل المميزات في جهاز او اثنين..
بهذي الطريقة مهما ينزلو اجهزة جديدة... بيكونوا هم اكبر الخاسرين.. بسبب تكلفة الإنتاج + عدم شراء الجهاز بسبب وجود أجهزة سابقة أقوى وافضل واصبحت أرخص من الجديد
👍
السياسة تقول : حمس الزبون واعطيه المميزات بالقطارة 💧شوي شوي

[Anonymous]

بووووح خذ راحتك

[Anonymous]

الاحتقار مرض وطبع غير مقبول اي شي جيد او غير جيد الواجب الانساني والاخلاقي انك تسكت في هءه الامور شركه فلان وفلان افضل وبطاريه شركة كذا ياتنصحهم ياتسكت والله هذا الطبع يحتاج الى ٣٠٠ سنه تقريبا" لعلاجه اذا اصاب واحد منكم وانا الان انصحكم والله مايعالجكم طبيب منه