semo

[semo10]

أشتريت موبايل a17 الجديد النت الواى فاى عندي ضعيف جداً وأوقات كتير بيفصل لوحده الكلام دا من اول ما اشتريته مفيش نص ساعة ويفصل لوحده او يجيب علامة التعجب❗وديته شركة سامسونج وقالى مفيهوش حاجة بس لما روحت المشكلة هي هي للعلم انا معايا موبايل a12 والنت شغال فيه كويس .. ياريت تساعدونى بالحل

[العبقري-الفذ]

المشكلة دي مش طبيعية على A17، خصوصًا إن نفس الشريحة شغالة كويس على A12.
جرّب بالترتيب:
1️⃣ الإعدادات → الشبكة → إعادة تعيين إعدادات الشبكة
2️⃣ اختار 4G/LTE فقط واقفل 5G لو موجود
3️⃣ حدّث السوفت وير لآخر إصدار
4️⃣ لو المشكلة مستمرة:
➡️ غالبًا عيب أنتينا/شبكة في الموبايل نفسه
📌 بما إنه جديد:
ارجع مركز صيانة سامسونج واطلب فحص هاردوير أو استبدال لو في ضمان.
ما تسيبش الموضوع لأنه واضح إنه مش إعدادات.

[tamim2022]

حضرتك ديه مشكلة راوتر مش فون خالص واذا فضلت من هنا ليوم القيامةتظبط في الفون مش هتتحل .
حضرتك هتعمل إعادة ضبط للراوتر بتاعك كأنك لسة. شاريه ضبط مصنع يعني وبعدها تكلم الشركة اللي انت مشترك في النت عندها وتقولهم عاوز أعمل ( كونفجريشن للراوتر عندي).
وبعدها كل حاجة هتبقى تمام.
هي ديه المشكلة وده حلها .

[TheUnκn0ωη]

لا طلما في جهاز واحد بس النت بيفصل فيه تبقي مشكلة في الجهاز مش في الراوتر
عندي جهاز فيه نفس الموضوع ولما تواصلت مع مزدود الخدمة قالي طلما باقي الاجهزر شغالة كويس يبقي العيب من الجهاز الي بيفصل

[Ahmed1Samir2]

يجرب حتى على الاقل
ممكن فعلا تتحل
انا واجهني مشكله زيها قبل كدا وفي الاخر كان لازم اعمل اعادة ضبط للراوتر وبعدها اتحلت
وحتى لو متحلتش مع اخونا اللي عنده مشكله يبقا كدا يجرب حاجه تانيه مش هيخسر حاجه اظن🙂❤️

[TheUnκn0ωη]

مفيش مشكلة ممكن فعلا تطلع حاجة بسيطة بسبب الراوتر وتظبط
ممكن يتواصل مع دعم مزود الخدمة ويحكلهم الموضوع يمكن فعلا في مشكلة في الخط
غير كده المشكلة في الجهاز
❤

[Ahmed1Samir2]

من اكتر الناس اللي بحترمها على البرنامج دا والله❤

[tamim2022]

خالص حضرتك ديه مشكلة راوتر طول عمرها مش مشكلة فون نهائي حتى لو الف جهاز شغال وجهاز واحد مش شغال .
حضرتك لما تكلم الشركة قوله عاوز اعمل كونفجريشن ومتحكيش أصلا المشكلة لانه مش هيعرف يحلها يا فندم ديه ناس حافظة مش فاهمة .

[gfhg]

لو سمحت عندي A16مش بيرضي يدخل علي التلفاز كل مدخل يقولي خطا

[tamim2022]

أولا: لازم الفون والتلفاز يبقوا نفس الشبكة بتاعة النت.
ثانيا: إتأكد من ظبط التاريخ والساعة ع التلفاز زي الفون.
ثالثا: إتأكد من إن التلفاز عليه آخر تحديث والفون كمان .
رابعا: أوقات المشكلة ديه بيبقى بسبب عدم. توافق موديل التلفاز مع الفون( موديل التلفاز قديم).
إتأكد من إن موديل التلفاز متوافق مع الفون عن طريق الأجهزة المتوافقة مع العرض عن طريق إدخال موديل التلفاز ع النت وهيظهرلك متوافق ولا لا.