Original topic:

samsung battery

(Topic created on: 12-30-2022 11:44 PM)
136 Views
jokarians
Active Level 6
Options
جالاكسى A
حبيت اشارك معلومة وتجربة عن البطاريات 

اولا اشحن البطارية من 20% ل 85% ديما اشحن ف الحدود دي حتي لو هتشحن كذا مرة عادي لان كل بطارية من بطاريات الليثيوم ليها عدد مرات دورات شحن كاملة ل 100% لما انت كل شوية تشحن الفون ل 100% ف انت بتقلل من عدد الدورات وبالتالي علي المدي البعيد هتأثر ف عمر البطارية 


بلاش تسيب الفون في اماكن معرضة للشمس او البرد الشديد لان جزيئات الليثيوم الموجودة بتتأثر بالحرارة المرتفعة والحرارة المنخفضة تأثر سريع 


ابقي تابع برامج الخلفية باستمرار ووقف الخدمات والبرامج اللي مش محتاجها عشان بتاكل من البطارية 


اقفل الواي فاي لو مش هتستخدمه لان طول الوقت بيعمل search علي الشبكات 

اقفل الموقع لان ديما بيعمل تحديث للموقع وكل ده بييجي ع البطارية 


قلل سطوع الشاشة بنسبة ترتاح ليها العين لان الشاشة معتمدة ع البطارية وبالتالي كل م زاد السطوع كل م زاد استهلاك البطارية


اشحن بالسلك الاصلي اللي مع العلبة والراس الاصلية ولو حبيت تغيرها اشتري من الفرع الموجود عندك وسيبك من المحلات اللي بتبيع باسعار غالية حاجات فرز اول 


عندك ف اعدادات البطارية خاصية حماية البطارية ان الفون يشحن ل حد 85% بس واتأكد ان انت مفعل خاصية الشحن السريع 


واسف لو طولت عليكم❤️❤️❤️🤞🏻
10 Comments
ELfnnan
Active Level 8
جالاكسى A
و الله احترنا .. أراء مختلفة علي سبيل المثال بعض الآراء تنفي فكرة تلف البطارية عند تجاوزها للحد الأقصي لعدد مرات الشحن .. و ظني أن ما سيتلف البطارية هو التأرجح بين الرأي وذاك . يعني نصدق مين و نكذب مين ؟ و دمت بخير اخي الكريم
jokarians
Active Level 6
جالاكسى A
انا حبيت اقولك كلام بالعلم والتكنولوجيا + البطارية مش بتتلف بس بتقل صحتها وده اللي بيعمل مشاكل كتير زي انها مش بتشحن بشكل جيد وبالتالي بتخلص بسرعة وكل ده لكن بتفضل تشتغل

انا كل اللي قولته كلام علمي وصحيح ، شكرا اخي
القرشى
Expert Level 1
جالاكسى A
عن استعمالى الشخصى لهاتفى منذ استخدامى لأول هاتف سمارت منذ مايقرب من ثمان سنوات وهو إنفينكس نوت 2 LET وأنا أتعامل مع شحن البطارية من 20 إلى 85 % وماتزال البطارية تعمل بكفاءة حتى هذه اللحظة بنسبة 80% وطبقت نظرية الشحن هذه على كل جهاز إقتنيته بعد ذلك . وكل حوالى شهرين أو ثلاثة أعمل تفريغ كامل للبطارية ثم أقوم بشحنها شحنة كاملة من 0 إلى 100% . هذا من خلال تجربتى الشخصية قبل أن يدلى أحد بدلوه بخصوص هذا الموضوع وأن تأخذ به الشركات وتفعله ضمن السوفت وير الخاص بها .
jokarians
Active Level 6
جالاكسى A
انا بستخدم الطريقة دي من زمان بس بقالي ١٠ سنين 😂 وبطبقها ع اللاب توب واي فون معايا ف عشان كده حبيت اشارك مع الكل لان لقيت ناس بتشتكي من البطارية وهما فاهمين حاجات كتيرة غلط
القرشى
Expert Level 1
جالاكسى A
جزاك الله خيرا خير الناس أنفعهم للناس . ياليت كل واحد مع استخدامه لهاتفه أو أى شئ آخر ووجد من خلال تجربته شئ نافع ألا يبخل به .
Ahmed8607
Active Level 3
جالاكسى A
كلامك صحيح
انا شغال على خاصيه حمايه البطاريه ليا اكتر من شهرين
بسم الله ماشاء الله
البطاريه بتطول و مش بتخلص بسرعه و الجهاز مش بيسخن و كمان بيشحن بسرعه
و بتدينى نفس المده الاولى لما كنت باشحن ل ١٠٠%
و كمان قصه ان الجهاز يسخن او يهنج اختفت
jokarians
Active Level 6
جالاكسى A
بالضبط ده اللي بقوله وبيحصل معايا وبستخدمه وكده البطارية هتعيش معاك ل مدة اطول بكتير
Ahmed8607
Active Level 3
جالاكسى A
حصل يا صاحبى
samsungmena
Expert Level 4
جالاكسى A

jokarians

مساء الخير يا فندم مع حضرتك امنيه من سامسونج مصر

بنشكرك جدا علي طرح سؤالك ونتمنى لحضرتك يوم سعيد

برجاء توضيح استفسارك بشكل اوضح حتي يمكنني مساعدتك

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك